Ashyq qosymshasynyń basty paıdasy – qaýipsizdik. Qazir kez kelgen aýrý belgileri bar ne belgileri joq formada COVID-19 indetimen aýyrǵandar úı karantınin saqtaýǵa mindettelgen. Alaıda ózin-ózi oqshalaý rejımin saqtamaı, aýyrǵan, naýqas adammen baılanysta bolǵan adamdar qoǵamdyq oryndarǵa barý jaıttary oryn alyp otyr. Solaı vırýstyń taralýyna sebepshi bolady. Al «Ashyq» qosymshasy osyndaı kelýshilerdi anyqtaıdy. Ári basqa kelýshilerdiń qaýipsizdigin saqtaýǵa kómektesedi. Búginde QR-kodtardy qoldaný praktıkasy Ońtústik-SHyǵys Azıa elderi – Gonkong, Sıngapýr, Malaızıada keń taraǵan.
«Ashyq» mobıldi qosymshasy QR-kodty qoldaný men Densaýlyq saqtaý mınıstrliginiń bazasymen ıntegrasıa arqyly kelýshiniń vırýs juqtyrǵany ne juqtyrmaǵanyn anyqtaýǵa bolady.
Pılotqa qatysý erikti júrgiziledi. Shymkent qalasynda da jobaǵa qatysýǵa nıettiler kóp. Búgingi tańda qaladaǵy kásipkerlerden jobaǵa qatysýǵa barlyǵy 848 ótinim túsken, onyń ishinde 367-ne QR kod berildi. 192 nysan ákimdik saıtyna ornalastyryldy. Olardyń qatarynda birneshe fıtnes-klýb, kınoteatr, spa-ortalyq, saýna men basqa da nysandar bar.
Qosymshany qoldaný: nysanǵa kelýshi óz telefonyna «Ashyq» mobıldi qosymshasyn júktep, telefon nómiri arqyly avtorızasıa jasap, JSN-in engizýi kerek. Kirýdi tirkeý úshin nysannyń QR-kodyn skanerleıdi.
Eger adam koronavırýstyń PTR synaǵynan ótip, oń nátıje alsa, «qyzyl» mártebe beriledi. Mundaı mártebe ıelerine úıde oqshaýlaný rejımin qatań saqtaý buıyrylady.
«Sary» belgi baılanysqa túsetin adamdarǵa taǵaıyndalady. Olarǵa azyq-túlik alýǵa nemese úı janyndaǵy dárihanaǵa shyǵýǵa ruqsat etiledi. Biraq basqa qoǵamdyq oryndarǵa barýyna tyıym salynady.
«Kók» tús – PTR test talap etilmeıtin jerlerde erkin qozǵalady.
«Jasyl» tús – qozǵalys erkindiginiń belgisi.
«Ashyq» jobasyna qatysýǵa nıetti kásipkerler «info.kazakhstan» saıty arqyly ótinish beredi. Qosymsha suraqtar boıynsha Óńirlik kásipkerler palatasyna nemese «Atameken» UKP 1432 baılanys nómirine habarlasýǵa bolady.
Sondaı-aq, 1 shildeden bastap qosymshada adamnyń vaksına qabyldaǵan-qabyldamaǵany da kórinetin bolady. Sondyqtan ózińizdiń jáne qoǵamnyń densaýlyǵy úshin ekpe saldyrýǵa shaqyramyz. Qalypty ómir saltyn birge qalyptastyraıyq!
