شىمكەنتتە 367 كەسٸپكەرلٸك نىساندا «Ashyq» قوسىمشاسى ەنگٸزٸلدٸ
اشىق قوسىمشاسىنىڭ باستى پايداسى – قاۋٸپسٸزدٸك. قازٸر كەز كەلگەن اۋرۋ بەلگٸلەرٸ بار نە بەلگٸلەرٸ جوق فورمادا COVID-19 ٸندەتٸمەن اۋىرعاندار ٷي كارانتينٸن ساقتاۋعا مٸندەتتەلگەن. الايدا ٶزٸن-ٶزٸ وقشالاۋ رەجيمٸن ساقتاماي, اۋىرعان, ناۋقاس اداممەن بايلانىستا بولعان ادامدار قوعامدىق ورىندارعا بارۋ جايتتارى ورىن الىپ وتىر. سولاي ۆيرۋستىڭ تارالۋىنا سەبەپشٸ بولادى. ال «اشىق» قوسىمشاسى وسىنداي كەلۋشٸلەردٸ انىقتايدى. ەرٸ باسقا كەلۋشٸلەردٸڭ قاۋٸپسٸزدٸگٸن ساقتاۋعا كٶمەكتەسەدٸ. بٷگٸندە QR-كودتاردى قولدانۋ پراكتيكاسى وڭتٷستٸك-شىعىس ازييا ەلدەرٸ – گونكونگ, سينگاپۋر, مالايزييادا كەڭ تاراعان.
«Ashyq» موبيلدٸ قوسىمشاسى QR-كودتى قولدانۋ مەن دەنساۋلىق ساقتاۋ مينيسترلٸگٸنٸڭ بازاسىمەن ينتەگراتسييا ارقىلى كەلۋشٸنٸڭ ۆيرۋس جۇقتىرعانى نە جۇقتىرماعانىن انىقتاۋعا بولادى.
پيلوتقا قاتىسۋ ەرٸكتٸ جٷرگٸزٸلەدٸ. شىمكەنت قالاسىندا دا جوباعا قاتىسۋعا نيەتتٸلەر كٶپ. بٷگٸنگٸ تاڭدا قالاداعى كەسٸپكەرلەردەن جوباعا قاتىسۋعا بارلىعى 848 ٶتٸنٸم تٷسكەن, ونىڭ ٸشٸندە 367-نە QR كود بەرٸلدٸ. 192 نىسان ەكٸمدٸك سايتىنا ورنالاستىرىلدى. ولاردىڭ قاتارىندا بٸرنەشە فيتنەس-كلۋب, كينوتەاتر, سپا-ورتالىق, ساۋنا مەن باسقا دا نىساندار بار.
قوسىمشانى قولدانۋ: نىسانعا كەلۋشٸ ٶز تەلەفونىنا «Ashyq» موبيلدٸ قوسىمشاسىن جٷكتەپ, تەلەفون نٶمٸرٸ ارقىلى اۆتوريزاتسييا جاساپ, جسن-ٸن ەنگٸزۋٸ كەرەك. كٸرۋدٸ تٸركەۋ ٷشٸن نىساننىڭ QR-كودىن سكانەرلەيدٸ.
ەگەر ادام كوروناۆيرۋستىڭ پتر سىناعىنان ٶتٸپ, وڭ نەتيجە السا, «قىزىل» مەرتەبە بەرٸلەدٸ. مۇنداي مەرتەبە يەلەرٸنە ٷيدە وقشاۋلانۋ رەجيمٸن قاتاڭ ساقتاۋ بۇيىرىلادى.
«سارى» بەلگٸ بايلانىسقا تٷسەتٸن ادامدارعا تاعايىندالادى. ولارعا ازىق-تٷلٸك الۋعا نەمەسە ٷي جانىنداعى دەرٸحاناعا شىعۋعا رۇقسات ەتٸلەدٸ. بٸراق باسقا قوعامدىق ورىندارعا بارۋىنا تىيىم سالىنادى.
«كٶك» تٷس – پتر تەست تالاپ ەتٸلمەيتٸن جەرلەردە ەركٸن قوزعالادى.
«جاسىل» تٷس – قوزعالىس ەركٸندٸگٸنٸڭ بەلگٸسٸ.
«اشىق» جوباسىنا قاتىسۋعا نيەتتٸ كەسٸپكەرلەر «info.kazakhstan» سايتى ارقىلى ٶتٸنٸش بەرەدٸ. قوسىمشا سۇراقتار بويىنشا ٶڭٸرلٸك كەسٸپكەرلەر پالاتاسىنا نەمەسە «اتامەكەن» ۇكپ 1432 بايلانىس نٶمٸرٸنە حابارلاسۋعا بولادى.
سونداي-اق, 1 شٸلدەدەن باستاپ قوسىمشادا ادامنىڭ ۆاكتسينا قابىلداعان-قابىلداماعانى دا كٶرٸنەتٸن بولادى. سوندىقتان ٶزٸڭٸزدٸڭ جەنە قوعامنىڭ دەنساۋلىعى ٷشٸن ەكپە سالدىرۋعا شاقىرامىز. قالىپتى ٶمٸر سالتىن بٸرگە قالىپتاستىرايىق!
