Elimizdiń 20 óńirinde bir ýaqytta jasandy ıntellekt boıynsha «Decentrathon 4.0» atty hakaton ótip jatyr. Shymkent Hub ortalyǵynda da daryndy jastar bas qosyp, baǵyn synaýda,- dep habarlaıdy Dalanews.kz

Bul - aýqymdy is-shara. IT salasyndaǵy talapty jastardyń basyn qosatyn saıys.

Shymkent habtyń aımaqtyq menejeri Qurmanǵazy Muratovtyń aıtýynsha, kezekti hakatonǵa IT salasyna qyzyǵýshylyǵy bar 171 komanda qatysyp jatyr. Olar jasandy ıntellekt, blokcheın taqyryptary boıynsha tapsyrmalardy oryndap, jańa joba jasap shyǵýy kerek. Qatysýshylar ózekti máselelerdiń jańa sheshimderin, ınovasıalyq ıdeıalar usynýy tıis.

Hakatonnyń jalpy júlde qory - 50 myń AQSH dollary.

Eske salaıyq, buǵan deıin Shymkentte Orta Azıada alǵash ret álemdik blokcheın ındýstrıasynyń eń iri hakatondarynyń biri – Decentrathon 2 ótken edi. Odan beri de qalalyq sıfrlandyrý basqarmasynyń qoldaýymen túrli is-sharalar, forýmdar ótkizilýde.

Kezekti hakaton saıysy da IT salasyn damytýǵa óz septigin tıgizbek.