Shymkent – vaktsinalaý boiynsha ekinshi orynda
Búgingi kúni qalada 1 406 tósek - oryn bar. Tolymdylyǵy – 50 paiyz. Bir táýlikte 2650 azamattan PTR synamasy alynǵan. Aldaǵy ýaqytta shaharda PTR ortalyǵyn ashý kózdelip otyr.
Bul jóninde qalalyq densaýlyq saqtaý basqarmasynyń basshysy B.Pozilov baspasóz brifinginde baiandady.
– Shymkent vaktsinalaý boiynsha Almatydan soń 2 orynda. 43 vaktsina egetin bekette 1 komponent – 157 116 adamǵa, 2 komponent – 62 377 adamǵa egildi. Meditsina qyzmetkerleri – 14 836, muǵalimder – 23 761, quqyq qorǵaý qyzmetkerleri– 9 569, stýdentter – 5246, ózge de saladaǵy 94 249 turǵyn vaktsina saldyrdy. Sonymen birge túsindirý jumystarynyń nátijesinde 7 sáýirden bastap sozylmaly aýrýy barlar vaktsinalana bastady, sany – 7672. Shymkentte vaktsina jetkilikti: Spýtnik, Qazcovid, HayatVax – úsh túri de bar. Sońǵy bir apta kóleminde Qazcovid-tiń 4 myń, 50 myń spýtnik, HayatVax-tyń 24 000 dozasy jetkizildi, – dedi bas dáriger.
Sondai-aq, qaladaǵy epidahýal áli de turaqsyz, reanimatsiiada jatqandardyń basym bóligi jastar ekenin jetkizdi. Karantindik shekteýlerdi qasaqana buzýshylar boiynsha emhanalardyń shuǵyl habarlamalary negizinde monitoringtik toptar 292 reid júrgizgen. Onyń ishinde 195 nysanǵa aiyppul salyndy.
Infektsiialyq statsionarlardaǵy barlyq aýyr naýqastardyń sozylmaly aýrýlary bar ekenin, olardyń barlyǵynyń vaktsinatsiialanýy qajet ekenin túsindirdi. Sebebi olar qaitys bolǵan naýqastardyń 96,8% quraǵan.
Taǵy bir eskeretini – ólimmen aiaqtalǵan jaǵdailardyń sebepteriniń biri aýrýhanaǵa kesh jáne óte aýyr halde jetkizilýi. Ortasha eseppen naýqastar úiinde dárigerlerdiń baqylaýynsyz 7-10 kún arasynda ózin-ózi emdep jatyp qalǵan. Sondyqtan shymkenttikterdi vaktsina qabyldaýǵa, aýrýdyń alǵashqy belgileri baiqalǵanda dereý dárigerlerge habarlasýǵa shaqyrdy.
