بۇگىنگى كۇنى قالادا 1 406 توسەك - ورىن بار. تولىمدىلىعى – 50 پايىز. ءبىر تاۋلىكتە 2650 ازاماتتان پتر سىناماسى الىنعان. الداعى ۋاقىتتا شاھاردا پتر ورتالىعىن اشۋ كوزدەلىپ وتىر.
بۇل جونىندە قالالىق دەنساۋلىق ساقتاۋ باسقارماسىنىڭ باسشىسى ب.پوزيلوۆ باسپا ءسوز بريفينگىندە باياندادى.
– شىمكەنت ۆاكسينالاۋ بويىنشا الماتىدان سوڭ 2 ورىندا. 43 ۆاكسينا ەگەتىن بەكەتتە 1 كومپونەنت – 157 116 ادامعا، 2 كومپونەنت – 62 377 ادامعا ەگىلدى. مەديسينا قىزمەتكەرلەرى – 14 836، مۇعالىمدەر – 23 761، قۇقىق قورعاۋ قىزمەتكەرلەرى– 9 569، ستۋدەنتتەر – 5246، وزگە دە سالاداعى 94 249 تۇرعىن ۆاكسينا سالدىردى. سونىمەن بىرگە ءتۇسىندىرۋ جۇمىستارىنىڭ ناتيجەسىندە 7 ساۋىردەن باستاپ سوزىلمالى اۋرۋى بارلار ۆاكسينالانا باستادى، سانى – 7672. شىمكەنتتە ۆاكسينا جەتكىلىكتى: سپۋتنيك، Qazcovid، HayatVax – ءۇش ءتۇرى دە بار. سوڭعى ءبىر اپتا كولەمىندە Qazcovidء-تىڭ 4 مىڭ، 50 مىڭ سپۋتنيك، HayatVax-تىڭ 24 000 دوزاسى جەتكىزىلدى، – دەدى باس دارىگەر.
سونداي-اق، قالاداعى ەپيداحۋال ءالى دە تۇراقسىز، رەانيماسيادا جاتقانداردىڭ باسىم بولىگى جاستار ەكەنىن جەتكىزدى. كارانتيندىك شەكتەۋلەردى قاساقانا بۇزۋشىلار بويىنشا ەمحانالاردىڭ شۇعىل حابارلامالارى نەگىزىندە مونيتورينگتىك توپتار 292 رەيد جۇرگىزگەن. ونىڭ ىشىندە 195 نىسانعا ايىپپۇل سالىندى.
ينفەكسيالىق ستاسيونارلارداعى بارلىق اۋىر ناۋقاستاردىڭ سوزىلمالى اۋرۋلارى بار ەكەنىن، ولاردىڭ بارلىعىنىڭ ۆاكسيناسيالانۋى قاجەت ەكەنىن ءتۇسىندىردى. سەبەبى ولار قايتىس بولعان ناۋقاستاردىڭ 96،8% قۇراعان.
تاعى ءبىر ەسكەرەتىنى – ولىممەن اياقتالعان جاعدايلاردىڭ سەبەپتەرىنىڭ ءبىرى اۋرۋحاناعا كەش جانە وتە اۋىر حالدە جەتكىزىلۋى. ورتاشا ەسەپپەن ناۋقاستار ۇيىندە دارىگەرلەردىڭ باقىلاۋىنسىز 7-10 كۇن اراسىندا ءوزىن-وزى ەمدەپ جاتىپ قالعان. سوندىقتان شىمكەنتتىكتەردى ۆاكسينا قابىلداۋعا، اۋرۋدىڭ العاشقى بەلگىلەرى بايقالعاندا دەرەۋ دارىگەرلەرگە حابارلاسۋعا شاقىردى.
