Shymkentte koronavırýs ınfeksıasyna shaldyqqan naýqastardyń 85 paıyzy emdelip shyqqan. Bul jóninde búgin qalalyq densaýlyq saqtaý basqarmasy basshysynyń mindetin atqarýshy Temirhan Varzılov aqparattyq-kommýnıkasıalyq ortalyqta ótken brıfıńte málimdedi.

– Búginge deıin ınfeksıa juqtyrǵan  4379 naýqas dertinen aıyqty. Olardyń  basym bóligi egde jastaǵy azamattar. Qazirgi tańda koronavırýs ınfeksıasyna shaldyqqan  732 naýqas em alýda. Onyń ishinde 18 naýqas stasıonarda emin jalǵastyrýda, – deıdi T.Varzılov.

24 tamyzdaǵy jaǵdaı boıynsha qalada koronavırýs ınfeksıasyna shaldyqqan naýqastar sany – 5165, onyń ishinde 2635 - sımptomdy, 2530 - sımptomsyz.