Kompaniia basshylarynyń usynystaryn tyńdap shyqqan óńir basshysy jyl saiyn halyq sany qarqyndy ósip kele jatqan qalanyń kólik qatynasyn retteýge zamanaýi tehnologiiamen jabdyqtalǵan sońǵy úlgidegi qoǵamdyq kólikterdi qoldaný kerektigin jetkizdi.
– Elbasy biylǵy halyqqa arnaǵan Joldaýynda megapolis qalalardyń problemalaryn tiimdi sheshý úshin «Smart Siti» tujyrymdamasy men qalalyq ortany basqarýdyń keshendi túrin engizý qajet ekenin aitqan bolatyn. Osy rette millionǵa tarta turǵyny bar Shymkent qalasyn aqyldy qalaǵa ainaldyrý – kezek kúttirmeitin máseleniń biri. Sonyń biri jolaýshylar tasymaldaityn avtobýstardy jańalaý, iaǵni ózderińiz aityp otyrǵandai sońǵy úlgidegi tehnologiialardyń kómegimen halyqtyń júrip-turýyn jeńildetýimiz qajet, – dedi Janseiit Qanseiituly.
Kezdesý sońynda oblys ákimi tiisti sala mamandaryna usynysy men baǵasy tiimdi kompaniialardy anyqtap, sol mekememen kelisimshartqa turýdy tapsyrdy. Eger kelissózder oidaǵydai aiaqtalsa, aǵymdaǵy jyly shymkenttikter zamanaýi quraldarmen jabdyqtarǵan sý jańa avtobýstarmen qatynaityn bolady.
Aita keteiik, búginde Shymkent qalasynda jolaýshylar tasymaldaýmen ainalysatyn 26 kólik kompaniiasy 70 baǵytta qyzmet kórsetedi. 1700-ge tarta avtobýstyń 70 paiyzynyń paidalaný merzimi 7 jyldan asyp ketken.
OQO ákiminiń baspasóz qyzmeti
https://dalanews.kz/33542
