Óńir basshysy Danıal Ahmetovtiń aıtýynsha, el Prezıdenti Qasym-Jomart Kemeluly Toqaevtyń tapsyrmasy boıynsha Qytaıdan shyqqan koronavırýstyń taralýyna jol bermeý úshin SHQO-da jedel shtab quryldy. Óńirdiń barlyq medısınalyq uıymdary joǵary daıyndyq rejıminde jumysqa kiristi, dep habarlaıdy Dalanews.kz.
Óńirde vırýsqa qarsy preparattardyń qajetti qory jetkilikti, sondaı-aq 12 400 qorǵanysh kostúmderi, 670 000 respırator jáne 7 mln. birrettik maskalar bar. Kúdikke ilingen, vırýs juqtyrǵan adamdardy tasymaldaıtyn 2 jeke kólik kapsýlasyn daıyn. Taǵy 4 kapsýlaǵa jáne L-1 tıpti 18 qorǵanysh kostúmine ótinim berildi.
- QHR-men bizdiń oblystyń shyǵys bóligi shektesedi. 2 aqpanǵa deıin "Baqty" jáne "Maıqapshaǵaı" keden beketteri arqyly shekaradan ótý toqtatyldy. Qazirgi tańda eki baǵytta da azamattar men taýarlardyń qozǵalysyn tolyq toqtatý máselesi sheshilýde.
Shekaralyq beketterdegi sanıtarlyq-baqylaý pýnktteri teplovızorlarmen jabdyqtaldy. Baqty jáne Maıqapshaǵaıda 6 teplovızor bar.
Semeı jáne Óskemen áýejaılarynda jolaýshylardy monıtorıńten ótkizý úshin úsh teplovızor jumys isteıdi. Aldaǵy kúnderi "Aqtoǵaı" temirjol stansıasyn teplovızorlarmen qamtamasyz etýdi josparlap otyrmyz. Qytaı shekarasynan ary-beri ótken azamattardyń densaýlyq jaǵdaıy muqıat baqylaýǵa alynǵan. Jaǵdaı meniń jiti baqylaýymda, dep jazdy oblys ákimi Danıal Ahmetov Facebook-tegi paraqshasynda.
Qazirgi ýaqytta Shyǵys Qazaqstan oblysynyń aýmaǵynda koronavırýs derti tirkelgen joq.
