Resei prezidenti Vladimir Pýtin kelesi aida AQSh prezidenti Donald Tramppen jáne Qytai tóraǵasy Si Tszinpinmen kezdesip, Ýkrainadaǵy soǵysty talqylaýdy usynǵan, dep habarlaidy dalanews.kz.
The Wall Street Journal basylymy málimetinshe, Pýtin Vladimir Zelenskiidi kezdesýge shaqyrmaýdy ótingen. Basylym dereginshe, bul bastama Máskeý tarapynan shyqqan. Kreml úshjaqty kezdesýdi Kiev qatysatyn kelissózderge balama retinde qarastyryp otyr.
Vashington men Beijiń bul usynysqa ázirge resmi jaýap bergen joq. Al Zelenskiidiń ainalasyndaǵylar bul ideiany Ýkrainany ainalyp ótip, máseleni onyń qatysýynsyz sheshýge tyrysý dep baǵalaǵan.
Resei prezidentiniń baspasóz hatshysy Dmitrii Peskov The Wall Street Journal basylymyna bergen túsiniktemesinde úsh tarap ta mundai sammit ótkizý múmkindigin moiyndaitynyn rastaǵan. Alaida kezdesýdiń ózi men kún tártibine qatysty ázirge naqty kelisim joq.
Bul ideia Pýtin men Tramptyń 9 qazandaǵy telefon arqyly sóilesýi kezinde aitylǵan. Kezdesýdi 18-19 qarashada Shenchjende ótetin Aziia-Tynyq muhity ekonomikalyq yntymaqtastyǵy (ATES) forýmy aiasynda ótkizý nusqasy da qarastyrylyp jatyr.
