– Kópbalaly otbasylar úshin ótken jyly 3 mlrd teńgege 228 páter salyndy. Aǵymdaǵy jylytaǵy 203 kópbalaly otbasy turǵyn úimen qamtamasyz etiledi, onyń ishinde 145 otbasy aýyl turǵyndary, olardyń 93-i az qamtylǵan otbasynan, – dedi ShQO ákimi Danial Ahmetov baspasóz máslihatynda.
Sondai-aq, ol Memleket basshysynyń 2025 jylǵa qarai halyqty ortalyqtandyrylǵan sýmen qamtamasyz etý jónindegi tapsyrmalaryn oryndai otyryp, osy jyldyń sońyna deiin 22,3 mlrd teńgege iske asyrylyp jatqan 24 jobanyń 13-i engiziletinin atap ótti.
– Aýyl turǵyndaryn ortalyqtandyrylǵan sýmen qamtý 95,4%-dy qurap otyr, 2023 jyldyń sońyna deiin 97,1%-ǵa deiin ulǵaiady, – dedi D.Ahmetov.
Budan basqa, óńirdi damytýdyń ózekti baǵyty ShQO halqyn sapaly internetpen qamtamasyz etý bolyp qala beredi. Ótken jyldyń qorytyndysy boiynsha oblystyń 363 eldi mekeniniń 160-y sapaly mobildi internetpen qamtylǵan. Qalǵan 203 aýyl 2026 jylǵa deiin kezeń-kezeńimen internetpen qamtamasyz etiledi.
– 203 aýyldyń 16-synda mobildi internet qoljetimdi. Biyl jergilikti biýdjetten 1,3 mlrd teńgege 19 antenna-macht alamyz. Budan basqa uialy bailanys operatorlarynyń qoldanystaǵy litsenziialyq mindettemelerin oryndaý esebinen de internetpen qamtmasyz etemiz. Aitadyq, 70 aýylda qoljetimdilik uialy bailanys operatorlarynyń qoldanystaǵy litsenziialyq mindettemelerin oryndaý esebinen qamtamasyz etiledi, onyń ishinde 2023 jyly 63 aýylda, 2024 jyly 7 aýylda. Qalǵan 117 eldi mekendi qamtamasyz etý 2025-2026 jyldar ishinde 2 baǵyt boiynsha júrgiziletin bolady: 1 baǵyt – uialy bailanys operatorlarynyń qosymsha litsenziialyq mindettemelerine engizý jolymen 100 adamnan jáne odan joǵary sany bar 69 aýyl; 2 – 100 adamnan kem sany bar 48 aýyl, spýtniktik transmissiia arqyly jáne talshyqty-optikalyq bailanys jelileri, – dep túsindirdi aimaq basshysy.
