– كٶپبالالى وتباسىلار ٷشٸن ٶتكەن جىلى 3 ملرد تەڭگەگە 228 پەتەر سالىندى. اعىمداعى جىلىتاعى 203 كٶپبالالى وتباسى تۇرعىن ٷيمەن قامتاماسىز ەتٸلەدٸ, ونىڭ ٸشٸندە 145 وتباسى اۋىل تۇرعىندارى, ولاردىڭ 93-ٸ از قامتىلعان وتباسىنان, – دەدٸ شقو ەكٸمٸ دانيال احمەتوۆ باسپاسٶز مەسليحاتىندا.
سونداي-اق, ول مەملەكەت باسشىسىنىڭ 2025 جىلعا قاراي حالىقتى ورتالىقتاندىرىلعان سۋمەن قامتاماسىز ەتۋ جٶنٸندەگٸ تاپسىرمالارىن ورىنداي وتىرىپ, وسى جىلدىڭ سوڭىنا دەيٸن 22,3 ملرد تەڭگەگە ٸسكە اسىرىلىپ جاتقان 24 جوبانىڭ 13-ٸ ەنگٸزٸلەتٸنٸن اتاپ ٶتتٸ.
– اۋىل تۇرعىندارىن ورتالىقتاندىرىلعان سۋمەن قامتۋ 95,4%-دى قۇراپ وتىر, 2023 جىلدىڭ سوڭىنا دەيٸن 97,1%-عا دەيٸن ۇلعايادى, – دەدٸ د.احمەتوۆ.
بۇدان باسقا, ٶڭٸردٸ دامىتۋدىڭ ٶزەكتٸ باعىتى شقو حالقىن ساپالى ينتەرنەتپەن قامتاماسىز ەتۋ بولىپ قالا بەرەدٸ. ٶتكەن جىلدىڭ قورىتىندىسى بويىنشا وبلىستىڭ 363 ەلدٸ مەكەنٸنٸڭ 160-ى ساپالى موبيلدٸ ينتەرنەتپەن قامتىلعان. قالعان 203 اۋىل 2026 جىلعا دەيٸن كەزەڭ-كەزەڭٸمەن ينتەرنەتپەن قامتاماسىز ەتٸلەدٸ.
– 203 اۋىلدىڭ 16-سىندا موبيلدٸ ينتەرنەت قولجەتٸمدٸ. بيىل جەرگٸلٸكتٸ بيۋدجەتتەن 1,3 ملرد تەڭگەگە 19 انتەننا-ماچت الامىز. بۇدان باسقا ۇيالى بايلانىس وپەراتورلارىنىڭ قولدانىستاعى ليتسەنزييالىق مٸندەتتەمەلەرٸن ورىنداۋ ەسەبٸنەن دە ينتەرنەتپەن قامتماسىز ەتەمٸز. ايتادىق, 70 اۋىلدا قولجەتٸمدٸلٸك ۇيالى بايلانىس وپەراتورلارىنىڭ قولدانىستاعى ليتسەنزييالىق مٸندەتتەمەلەرٸن ورىنداۋ ەسەبٸنەن قامتاماسىز ەتٸلەدٸ, ونىڭ ٸشٸندە 2023 جىلى 63 اۋىلدا, 2024 جىلى 7 اۋىلدا. قالعان 117 ەلدٸ مەكەندٸ قامتاماسىز ەتۋ 2025-2026 جىلدار ٸشٸندە 2 باعىت بويىنشا جٷرگٸزٸلەتٸن بولادى: 1 باعىت – ۇيالى بايلانىس وپەراتورلارىنىڭ قوسىمشا ليتسەنزييالىق مٸندەتتەمەلەرٸنە ەنگٸزۋ جولىمەن 100 ادامنان جەنە ودان جوعارى سانى بار 69 اۋىل; 2 – 100 ادامنان كەم سانى بار 48 اۋىل, سپۋتنيكتٸك ترانسميسسييا ارقىلى جەنە تالشىقتى-وپتيكالىق بايلانىس جەلٸلەرٸ, – دەپ تٷسٸندٸردٸ ايماق باسشىسى.
