Shyǵysta jiyn-terin jumystary qarqyndy júrýde
Shyǵystaǵy egin alqaptarynyń 40,6 paiyzyn bidai men burshaq daqyly qurasa, 35,5 paiyzyna maily daqyldardyń enshisine tiip otyr. Sol siiaqty óńirde mal azyǵyn daiyndaý isine de airyqsha kóńil bólinetini belgili. Bul rette shyǵystyq sharýalar mal azyǵyn daiyndaýǵa baǵyttalǵan jerdiń kólemi 21,5 paiyzdy quraitynyn aita ketýimiz kerek. Sonymen qatar egistik kóleminiń 1,3 paiyzyna kartop egilgen.
Shyǵys Qazaqstan oblystytyq aýyl sharýashylyǵy basqarmasy basshysynyń orynbasary Vladimir Gailamaziannyń aitýynsha, egin jinaý jumystaryn júrgizýge oblystyq biýdjetten 3,5 mlrd teńgeden astam qarajat bólingen.
Onyń ishinde qarajattyń bir bóligi tuqym sharýashylyǵyn qoldaýǵa, mineraldyq tyńaitqyshtar men gerbitsidterdiń qunyn arzandatýǵa baǵyttalǵan.
Kóktemgi egis jumystaryna 54 taýar óndirýshi «Agrarlyq nesie korporatsiiasy» AQ arqyly 2 mlrd 127,3 mln teńge nesie alǵan. «Qazirgi ýaqytta dándi daqyldardy jinaý jumystary tolyǵymen aiaqtaldy.
Jalpy 549,9 myń gektar aýmaqtyń 488,6 myń gektary nemese 90 paiyzy jinaldy. Jalpy astyq jinaý boljamynda aitarlyqtai oń nátije baiqalady.
Osy maýsymda «Azyq-túlik kelisim-shart korporatsiiasy» AQ jemdik jáne azyq-túlik bidaiyn shekteýsiz satyp alýdy bastady. Satyp alý baǵasy astyq sapasyna bailanysty. 3-4 sanatty bidaidyń tonnasy 57-ten 70 myń teńgege deiin bolady», - delingen habarlamada.
Oblys aýdandarynda maily daqyldy jinaý jumystary da bastalyp ketken. Kartop, kókónis jáne baqsha daqyldaryn jinaǵan sharýalardyń jumysy qyzý.
– Qazirgi tańda jiyn, terin jumystaryn júrgkizýge oblys aýmaǵyndaǵy materialdyq-tehnikalyq quraldar men basqa da materialdyq resýrstar tolyqtai jetkilikti. Biyl aýyl sharýashylyǵy taýarlaryn óndirýshiler jalpy somasy 10,7 mlrd teńgege 554 tehnika satyp aldy. Oblystyń sharýashylyqtary men elevatorlarynda qýattylyǵy ártúrli 90 keptirgish, 3 248 astyq jinaý kombainy bar. Sharýashylyqtarǵa 30 myń tonna dizel otyny qajet. Onyń 25 myń tonnasyn QR Energetika ministrligi memlekettik baǵdarlama boiynsha bólgen. Aýa raiynyń qolaisyzdyǵyna bailanysty aýyl sharýashylyǵy basqarmasy ministrlikke qosymsha 5 myń tonna dizel otynyn bólý jóninde suranys jiberdi, – dep sala mamany Vladimir Gailamazian máseleni jiliktep aityp berdi.
