Eskertkish ShQO ákimi Danial Ahmetovtyń bastamasymen ashylǵanyn eske sala keteiik. Nysannyń avtorlary tanymal músinshiler – Qazybek Dýlatov pen Sársen Seiitov.
Jyr alybynyń qurmetine qoiylǵan eskertkish eńseli. Biiktigi — 2,5 metr. Dombyra shertip turǵan Jambyldyń qoladan quiylǵan beinesi arnaiy tuǵyrǵa ornatylǵan.
Eskertkishtiń ashylý saltanatyna aqynnyń úrim-butaǵy, qalanyń aýzy dýaly aqsaqaldary, ziialy qaýymy ókilderi men jergilikti turǵyndar qatysty.
Saltanatty sharada sóz sóilegen Danial Ahmetov Jambyldyń jyrlary urpaqtan-urpaqtan taralyp, máńgilik muraǵa ainalǵanyn aitty.
"Jambyl Jabaev qazaqtyń shynshyl aqyndarynyń biri. Onyń jyrlarynda batyrlar erligi de, erkindikti ańsaǵan el úmiti de bar. Jambyl qoǵamdaǵy ádiletsizdik pen keleńsizdikti jyrlaryna arqaý etti. Onyń sońynda qalǵan murasy keiingi urpaqqa aýyzsha tarap, keiin kitap bop basylym, birneshe tilge aýdaryldy.
Óskemendegi halyq jii serýendeitin saiabaqqa Jambyl Jabaevtyń esimin bergenimiz beker emes. Osynaý saiabaq pikir almasatyn, kúi shertilip, óleń oqylatyn shyǵarmashylyq alańǵa ainalýyna tilektespin", – dedi oblys ákimi.
Aita keteiik, Shyǵys Qazaqstanda Jambyl Jabaev atynaǵy 5 mektep, 3 eldi meken, 33 kóshe bar.
