ەسكەرتكىش شقو اكىمى دانيال احمەتوۆتىڭ باستاماسىمەن اشىلعانىن ەسكە سالا كەتەيىك. نىساننىڭ اۆتورلارى تانىمال مۇسىنشىلەر – قازىبەك دۋلاتوۆ پەن سارسەن سەيىتوۆ.
جىر الىبىنىڭ قۇرمەتىنە قويىلعان ەسكەرتكىش ەڭسەلى. بيىكتىگى — 2،5 مەتر. دومبىرا شەرتىپ تۇرعان جامبىلدىڭ قولادان قۇيىلعان بەينەسى ارنايى تۇعىرعا ورناتىلعان.
ەسكەرتكىشتىڭ اشىلۋ سالتاناتىنا اقىننىڭ ءۇرىم-بۇتاعى، قالانىڭ اۋزى دۋالى اقساقالدارى، زيالى قاۋىمى وكىلدەرى مەن جەرگىلىكتى تۇرعىندار قاتىستى.
سالتاناتتى شارادا ءسوز سويلەگەن دانيال احمەتوۆ جامبىلدىڭ جىرلارى ۇرپاقتان-ۇرپاقتان تارالىپ، ماڭگىلىك مۇراعا اينالعانىن ايتتى.
"جامبىل جابايەۆ قازاقتىڭ شىنشىل اقىندارىنىڭ ءبىرى. ونىڭ جىرلارىندا باتىرلار ەرلىگى دە، ەركىندىكتى اڭساعان ەل ءۇمىتى دە بار. جامبىل قوعامداعى ادىلەتسىزدىك پەن كەلەڭسىزدىكتى جىرلارىنا ارقاۋ ەتتى. ونىڭ سوڭىندا قالعان مۇراسى كەيىنگى ۇرپاققا اۋىزشا تاراپ، كەيىن كىتاپ بوپ باسىلىم، بىرنەشە تىلگە اۋدارىلدى.
وسكەمەندەگى حالىق ءجيى سەرۋەندەيتىن ساياباققا جامبىل جابايەۆتىڭ ەسىمىن بەرگەنىمىز بەكەر ەمەس. وسىناۋ ساياباق پىكىر الماساتىن، كۇي شەرتىلىپ، ولەڭ وقىلاتىن شىعارماشىلىق الاڭعا اينالۋىنا تىلەكتەسپىن"، – دەدى وبلىس اكىمى.
ايتا كەتەيىك، شىعىس قازاقستاندا جامبىل جابايەۆ اتىناعى 5 مەكتەپ، 3 ەلدى مەكەن، 33 كوشە بار.
