Atalmysh respýblikalyq aktsiia QR Ekologiia, geologiia jáne tabiǵi resýrstar ministrliginiń qoldaýymen uiymdastyrylǵany belgili. Basty maqsat – elimizdi kógaldandyrý jumystaryn júrgizý. ShQO-daǵy tabiǵi resýrstar jáne tabiǵatty paidalaný basqarmasynyń basshysy Murat Qusainovtyń aitýynsha, búgin aimaqta 6 myń túp kóshet otyrǵyzyldy.
– Biz orman sharýashylyǵynan 13 túrli aǵashty ákeldik. Óskemendegi Esenberlina dańǵylynda 1100 túp, onyń ishinde qaiyń men qylqan japyraqty aǵashtar bar.
Jalpy, kóshetterdi egý jumystary kóktemde bastaldy. Sol kezde 132,8 myń túp otyrǵyzyldy. Taiaýda oblystaǵy barlyq mektepte ekologiialyq saǵattar ótkizildi. Oǵan qatysýshylar 4 myń túp aǵash kóshetin ekti. Aǵymdaǵy jyl sońyna deiin 150 myń túp aǵash kóshetterin otyrǵyzýdy josparlap otyrmyz.
Aita keteiik, búgin oblys kóleminde senbilikter uiymdastyryldy. Shara barysynda kópshilikqaýym tek qana kóshet otyrǵyzǵan joq, soynmen qatar sanitarlyq tazalyq jumystarynda belsene júrgizildi.
– Osy aǵashtar ósken kezde qalamyz burynǵydan da kórkeie túsedi. Biz ózimiz turyp jatqan jerdiń ekologiiasyn saqtaýymyz kerek. Óitkeni bul bizden basqa eshkimge kerek emes, – dedi «Ekoservis-S» JShS-niń direktory Erik Sandybaev.
