Búgin «Ulttyq Dombyra kúni». Elimizdiń barlyq óńirlerde ulttyq mereke ulyqtalýda.
Qazaqstan halqy Assembleiasy «Qasietti dombyra» aktsiiasyn uiymdastyryp dál osy kúni sábili bolǵan jas jubailardy quttyqtaýda.
«Dombyra kúni» aiasynda Shyǵys Qazaqstanda jasty da, jasamysty da bei-jai qaldyrmaǵan ulttyq mándegi sharalar uiymdastyrylyp, qaladaǵy jazǵy teatrdyń aldynda áigili «Altai» folklor ansambli óner kórsetti.
Budan bólek ulttyq qolóner buiymdarynyń kórmesi uiymdastyrylyp qala turǵyndary ózderin qyzyqtyrǵan kádesyilardy satyp aldy.
Keshqurym Óskemendegi mýzei-qoryqtyń úlken alańynda «Qasietińnen ainaldym, Uly dombyra!» atty kontserttik baǵdarlamasy uiymdastyrylady. Bul keshte Baijigit atyndaǵy ulttyq orkestrdiń úzdik dombyrashylary men estrada juldyzdary óner kórsetedi.
Al Assambleia uiymdastyrǵan aktsiia aiasynda qaladaǵy «Ana men bala» ortalyǵynda dúnie esigin ashqan sábilerge syi tartý etildi.
Jergilikti «Dostyq úiiniń» mamany Vladislav Artamanovtyń aitýynsha aktsiianyń negizgi maqsaty qazaqtyń ulttyq dástúrlerin ulyqtaý, qazaqtyń qara dombyrasynyń qadir-qasietin dáripteý.
«Qazaqtyń jany – dombyra. Osy aspaptyń qońyr únine bólengen Abai qandai, Shákárim qandai. Assambleia músheleri – dombyra árbir qazaqstandyqtyń úiinde turýy tiis dep sanaidy. Dombyrasyn saqtaǵan qazaq halqy dástúr-mádenietin de saqtap qaldy. Elbasy jáne Prezidentimiz aitatyn «Rýhani jańǵyrý» baǵdarlamasynyń ózegi de osynda», – deidi ol.
«Ana men bala» ortalyǵynda dál búgin Gaýsar esimdi altyn asyqtai búldirshin ómir esigin ashty. «Dostyq úiiniń» ókilderi baqytty otbasyny qýanyshtarymen quttyqtap dombyra syilady ári jańa týǵan balaǵa alǵashqy ýaqytta aýadai qajet bolatyn kerek-jabdyqpen qamtamasyz etti.
«Qyzymnyń qazaqtyń kúi tarihynda iz qaldyrǵan áigili kúishilerge uqsaǵanyn qalaimyn. Gaýsarymnyń osynaý mýzykalyq aspapty barynsha meńgerýine kúsh salamyn. Árbirden soń áý demeitin qazaq joq, dombyra tartý qazaqtyń qanynda bar. Shyr etip dúniege kelgen qyzymdy dombyranyń áýenimen uiqyǵa bóleimiz», – dedi Gaýsardyń ákesi Darhan Shomatov.
Aita ketelik, «Dombyra kúninde» Shyǵysta qazirge deiin 25 bala ómirge kelgen. Kún aiaqtalǵanǵa deiin taǵy 18 sábi jaryq dúnie esigin ashady dep kútilýde.
