Shyǵysta Á. Naimanbaiuly atyndaǵy dástúrli oryndaýshylar baiqaýy bastaldy
Uly ánshi, sazgerdiń shyǵarmashylyǵyn keńinen nasihattaý, ulttyq jáne álemdik mádeniet qundylyqtaryna taralýyna yqpal etý maqsatynda ótkizilip otyrǵan tárbielik máni zor baiqaý Shyǵys Qazaqstan ákimdigi qolaýymen, oblystyq mádeniet, muraǵattar jáne qujattama basqarmasy uiymdastyrýymen dástúrli túrde ótkizilip keledi.
Bul joly baq synaýǵa 20 shaqty oryndaýshy kelgen. Al, baiqaýǵa Qazaqstan Respýblikasynyń eńbek sińirgen qairatkeri Jarqyn Shákárim, elimizge tanymal óner qairatkerleri Erlan Rysqali, Berik Omarov, Ádil Turǵanbaev, Gúlmira Temirbekovalar tórelik etedi.
Uiymdastyrýshylardyń aitýyna qaraǵanda, baiqaý eki kezeńnen turady. Birinshi kezeńde qatysýshylar tańdaýy boiynsha Áset ánderinen bir án, halyq kompozitorlarynyń shyǵarmashylyǵynan bir án oryndaidy. Ekinshi kezeńde Á. Naimanbaiulynyń «Injý-marjan», «Qarakóz», «Qońyrqaz», «Qysmet» ánderiniń birin oryndaýy oryndalýy shart. 30 tamyzda elimizge tanymal óner maitalmandarynyń qatysýymen gala-kontsert ótedi.
