ۇلى ءانشى، سازگەردىڭ شىعارماشىلىعىن كەڭىنەن ناسيحاتتاۋ، ۇلتتىق جانە الەمدىك مادەنيەت قۇندىلىقتارىنا تارالۋىنا ىقپال ەتۋ ماقساتىندا وتكىزىلىپ وتىرعان تاربيەلىك ءمانى زور بايقاۋ شىعىس قازاقستان اكىمدىگى قولاۋىمەن، وبلىستىق مادەنيەت، مۇراعاتتار جانە قۇجاتتاما باسقارماسى ۇيىمداستىرۋىمەن ءداستۇرلى تۇردە وتكىزىلىپ كەلەدى.
بۇل جولى ب ا ق سىناۋعا 20 شاقتى ورىنداۋشى كەلگەن. ال، بايقاۋعا قازاقستان رەسپۋبليكاسىنىڭ ەڭبەك سىڭىرگەن قايراتكەرى جارقىن شاكارىم، ەلىمىزگە تانىمال ونەر قايراتكەرلەرى ەرلان رىسقالي، بەرىك وماروۆ، ءادىل تۇرعانبايەۆ، گۇلميرا تەمىربەكوۆالار تورەلىك ەتەدى.
ۇيىمداستىرۋشىلاردىڭ ايتۋىنا قاراعاندا، بايقاۋ ەكى كەزەڭنەن تۇرادى. ءبىرىنشى كەزەڭدە قاتىسۋشىلار تاڭداۋى بويىنشا اسەت اندەرىنەن ءبىر ءان، حالىق كومپوزيتورلارىنىڭ شىعارماشىلىعىنان ءبىر ءان ورىندايدى. ەكىنشى كەزەڭدە ءا. نايمانباي ۇلىنىڭ «ءىنجۋ-مارجان»، «قاراكوز»، «قوڭىرقاز»، «قىسمەت» اندەرىنىڭ ءبىرىن ورىنداۋى ورىندالۋى شارت. 30 تامىزدا ەلىمىزگە تانىمال ونەر مايتالماندارىنىڭ قاتىسۋىمەن گالا-كونسەرت وتەدى.
