Shyǵysta 77 jalǵan kásiporyn áshkere boldy
Shyǵys Qazaqstan Aimaqtyq kommýnikatsiialar qyzmetinde ótken baspasóz máslihatynda ShQO Memlekettik kirister departamenti basshysynyń orynbasary mindetin atqarýshy Talǵat Kolmykpaev málimdedi. Atalǵan jumysoblystyń prokýratýra oryndarymen birlesken jumystar nátijesinde 2015 jyly jáne 2016 jyldyń 6 aiy ishinde jalǵan kásipkerlik qyzmetin anyqtaý jáne bultartpaý boiynsha atqarylǵan jumys barysynda anyqtalǵan.
– Jalǵan kásiporyndardyń negizgi maqsaty, olar belgili mekemelermen kelisimshart qura otyryp, salyqtan jaltarǵysy keledi. Iri kásiporyn bolyp tirkelgen kúnniń ózinde, qujatta tek saýsaqpen sanarlyq jumysshysynyń sanyn kórsetedi. Bunyń barlyǵy sol jumystardyń barysynda anyqtaldy, – dep atap ótti Talǵat Kolmykpaev.
Aita ketsek, 94 jalǵan kásiporynnyń 77-si oblys aýmaǵynda ornalassa, qalǵan 17 mekemeni shyǵysqazaqstandyq azamattar ózge aimaqtarda tirkep, basqaryp otyrǵan. Jalpy somasy 829 297,9 myń teńgege QQS jáne KTS boiynsha QSEN usyný joly arqyly 320 kontragenttermen jalǵan kásipkerlikpen azara esep aiyrysýdy shyǵarý júrgizilgen, olardyń ishinde QQS jáne KTS boiynsha 323 379,9 myń teńge óndirildi, sonyń ishinde tólem qujatymen – 267 938,7 myń teńge.
"QmD" aqparat
