Bul týraly oblystyq politsiia departamentiniń baspasóz qyzmeti habarlady.
«Oralman mártebesin alǵan etnikalyq qazaqtarǵa bir jyldyń ishinde ońtailandyrylǵan tártippen QR azamattyǵyn alý múmkindigi beriledi. Biraq, osy ýaqyt aralyǵynda olar kóbinde azamattyq almaidy.
2019 jyldyń 31 jeltoqsanyna deiin etnikalyq qazaqtardyń ońtailandyrylǵan tártippen azamattyq alýy úshin «oralman» mártebesiniń merzimin uzartý boiynsha bir rettik naýqan júredi» delingen departamenttiń resmi habarlamasynda.
Naýqan bastalǵaly beri 503 adamǵa Qazastan Respýblikasynyń azamattyǵy berilgen.
«Qazaqstan aýmaǵyn turaqty mekendeitin, QR azamattyǵyn alǵysy keletin etnikalyq qazaqtarǵa ShQO Úilestirý jáne áleýmettik baǵdarlamalar basqarmasynda «oralman» mártebesiniń merzimin uzartyp, azamattyq alýǵa ótinim berýin suraimyz», - deidi departament.
Aita ketelik, budan buryn Qazaqstan prezidenti Qasym-Jomart Toqaev "oralman" túsiniginen bas tartyp, ony qandas ataýymen almastyrýdy usynǵan bolatyn.
