Bul týraly «ANTIKOR LIVE» jobasy aiasynda «Shyǵys – Adaldyq alańy» jobalyq keńsesiniń uiymdastyrýymen ótken tikelei efirde «Shyǵys Qazaqstan oblysynyń jolaýshy kóligi jáne avtomobil joldary basqarmasy» MM basshysy Nurjan Jumadilov aitty.
Onyń aitýynsha, jergilikti mańyzy bar joldardy jóndeýge jáne kútip ustaýǵa – 11,8 mlrd teńge, onyń ishinde 50/50 paritettik qarjylandyrý sheńberinde 7,3 mlrd teńge jáne kútip ustaýǵa – 4,5 mlrd teńge (oblystyq mańyzy bar joldar – 4 mlrd teńge, aýdandyq mańyzy bar joldar – 0,5 mlrd. teńge), kóshe-jol jelisin jóndeýge jáne kútip ustaýǵa – 11,1 mlrd teńge, «Aýyl el besigi» arnaiy baǵdarlamasy sheńberinde kóshelerdi jóndeýge – 1,7 mlrd teńge, jumyspen qamtý jol kartasy sheńberinde joldar men kóshelerdi jóndeýge – 16,1 mlrd.teńge bólingen.
«50/50 paritettik qarjylandyrý aiasynda jalpy paidalanýdaǵy 283 shaqyrym jol, onyń ishinde 160 shaqyrym – oblystyq mańyzy bar, 123 shaqyrym – aýdandyq mańyzy bar joldar ortasha jóndeýmen qamtyldy. Kóshelerdi jóndeýmen 45,2 shaqyrym qamtyldy, 11,1 mlrd teńge bólindi, onyń ishinde – Óskemen qalasy Esenberlin dańǵyly boiynsha 4,6 shaqyrym injenerlik-kommýnikatsiialyq infraqurylym salý – 4,7 mlrd teńge, 3,4 mlrd teńgege 7,6 shaqyrym kóshelerdi qaita jańartylypty.
– Óskemen jáne Semei qalalarynda, Aiagóz, Zaisan, Shemonaiha aýdandarynda 3 mlrd teńgege 33 shaqyrym kóshelerdi ortasha jóndeý. «Aýyl el besigi» baǵdarlamasy sheńberinde Aiagóz, Borodýliha, Jarma, Zaisan, Kúrshim, Katon-Qaraǵai, Tarbaǵatai jáne Úrjar aýdandarynyń eldi mekenderinde 1,7 mlrd teńgege (RB-1,5 mlrd teńge, JB – 169 mln. teńge) 90 shaqyrym kóshe-jol jelisi jóndeldi. Jumyspen qamtý jol kartasy aiasynda jalpy somasy 16,1 mlrd teńgege 247 shaqyrym jol men kóshe jóndeýmen qamtyldy, onyń ishinde: jol-jóndeý jumystary aiaqtalǵannan keiin jaqsy jáne qanaǵattanarlyq jaǵdaidaǵy jergilikti mańyzy bar joldardyń úlesi 85%-ǵa deiin jetkizildi, – dep atap ótti Nurjan Jumadilov.
Jobalyq keńse jetekshisi Marjan Bahyt memlekettik baǵdarlama aiasynda iske asyrylyp jatqan jobalardyń barlyǵy «Shyǵys – Adaldyq alańy» jobasy aiasynda qoǵamdyq baqylaýda bolatynyn atap ótti.
