بۇل تۋرالى «ANTIKOR LIVE» جوباسى اياسىندا «شىعىس – ادالدىق الاڭى» جوبالىق كەڭسەسىنىڭ ۇيىمداستىرۋىمەن وتكەن تىكەلەي ەفيردە «شىعىس قازاقستان وبلىسىنىڭ جولاۋشى كولىگى جانە اۆتوموبيل جولدارى باسقارماسى» مم باسشىسى نۇرجان ءجۇمادىلوۆ ايتتى.
ونىڭ ايتۋىنشا، جەرگىلىكتى ماڭىزى بار جولداردى جوندەۋگە جانە كۇتىپ ۇستاۋعا – 11،8 ملرد تەڭگە، ونىڭ ىشىندە 50/50 پاريتەتتىك قارجىلاندىرۋ شەڭبەرىندە 7،3 ملرد تەڭگە جانە كۇتىپ ۇستاۋعا – 4،5 ملرد تەڭگە (وبلىستىق ماڭىزى بار جولدار – 4 ملرد تەڭگە، اۋداندىق ماڭىزى بار جولدار – 0،5 ملرد. تەڭگە)، كوشە-جول جەلىسىن جوندەۋگە جانە كۇتىپ ۇستاۋعا – 11،1 ملرد تەڭگە، «اۋىل ەل بەسىگى» ارنايى باعدارلاماسى شەڭبەرىندە كوشەلەردى جوندەۋگە – 1،7 ملرد تەڭگە، جۇمىسپەن قامتۋ جول كارتاسى شەڭبەرىندە جولدار مەن كوشەلەردى جوندەۋگە – 16،1 ملرد.تەڭگە بولىنگەن.
«50/50 پاريتەتتىك قارجىلاندىرۋ اياسىندا جالپى پايدالانۋداعى 283 شاقىرىم جول، ونىڭ ىشىندە 160 شاقىرىم – وبلىستىق ماڭىزى بار، 123 شاقىرىم – اۋداندىق ماڭىزى بار جولدار ورتاشا جوندەۋمەن قامتىلدى. كوشەلەردى جوندەۋمەن 45،2 شاقىرىم قامتىلدى، 11،1 ملرد تەڭگە ءبولىندى، ونىڭ ىشىندە – وسكەمەن قالاسى ەسەنبەرلين داڭعىلى بويىنشا 4،6 شاقىرىم ينجەنەرلىك-كوممۋنيكاسيالىق ينفراقۇرىلىم سالۋ – 4،7 ملرد تەڭگە، 3،4 ملرد تەڭگەگە 7،6 شاقىرىم كوشەلەردى قايتا جاڭارتىلىپتى.
– وسكەمەن جانە سەمەي قالالارىندا، اياگوز، زايسان، شەمونايحا اۋداندارىندا 3 ملرد تەڭگەگە 33 شاقىرىم كوشەلەردى ورتاشا جوندەۋ. «اۋىل ەل بەسىگى» باعدارلاماسى شەڭبەرىندە اياگوز، بورودۋليحا، جارما، زايسان، كۇرشىم، كاتون-قاراعاي، تارباعاتاي جانە ءۇرجار اۋداندارىنىڭ ەلدى مەكەندەرىندە 1،7 ملرد تەڭگەگە (رب-1،5 ملرد تەڭگە، جب – 169 ملن. تەڭگە) 90 شاقىرىم كوشە-جول جەلىسى جوندەلدى. جۇمىسپەن قامتۋ جول كارتاسى اياسىندا جالپى سوماسى 16،1 ملرد تەڭگەگە 247 شاقىرىم جول مەن كوشە جوندەۋمەن قامتىلدى، ونىڭ ىشىندە: جول-جوندەۋ جۇمىستارى اياقتالعاننان كەيىن جاقسى جانە قاناعاتتانارلىق جاعدايداعى جەرگىلىكتى ماڭىزى بار جولداردىڭ ۇلەسى 85%-عا دەيىن جەتكىزىلدى، – دەپ اتاپ ءوتتى نۇرجان ءجۇمادىلوۆ.
جوبالىق كەڭسە جەتەكشىسى مارجان باحىت مەملەكەتتىك باعدارلاما اياسىندا ىسكە اسىرىلىپ جاتقان جوبالاردىڭ بارلىعى «شىعىس – ادالدىق الاڭى» جوباسى اياسىندا قوعامدىق باقىلاۋدا بولاتىنىن اتاپ ءوتتى.
