Kóp jyldyq tájiribege súiene otyryp, Shyǵys Qazaqstanda uzyndyǵy 256 shaqyrym bolatyn 130 qar basyp qalatyn ýchaskeler kúsheitilgen baqylaýǵa alynatyn bolady. Zardap shekkenderge kómek kórsetý úshin 10 jylytý pýnkti men 15 jol boiyndaǵy biznes nysanynyń jumysy uiymdastyrylady. Ulan aýdany Privolnoe aýylynda táýlik boiy 1 trassalyq meditsinalyq-qutqarý pýnkti jumys isteidi, dep habarlaidy Dalanews.kz ShQO TJD baspasóz qyzmetine silteme jasap.
"Jergilikti aýqymdaǵy TJ joiý josparyna sáikes jeke quramnyń 1717 adamy, 686 birlik tehnika jumyldyrylady. Onyń ishinde 389 qar tazalaý tehnikasy, 181 injenerlik tehnika, 30 evakýatsiialyq tehnika jáne 86 joǵary ótimdi tehnika. Jyl saiynǵy tájiribeni eskere otyryp, bul tehnika "Óskemen – Altai – Úlken Naryn – Katonqaraǵai – Rahman qainarlary", "Óskemen – Shemonaiha – RF shekarasy", "Óskemen – Semei", oblystyq mańyzy bar joldarda: "Óskemen – Tarǵyn – Samar" joldarda jumys isteýge tartylady.
Oblys aýmaǵynda 497 kóshkin túsetin aimaqtar bar. ShQ "Qazseldenqorǵaý" MM filialy oblystyń qyzmet kórsetiletin aýdandary boiynsha qar kóshkini qaýpi bar kezeńge ýaqtyly daiyndyq maqsatynda qar kóshkini marshrýttaryn ázirledi. Qar kóshkini qaýpi bar kezeń ishinde baqylaýshylar apta saiyn qar kóshkini qaýpi bar ýchaskelerge jerústi zertteý júrgizedi jáne qajet bolǵan jaǵdaida qar massasyn túsirýdi júzege asyrady.
"Sýyq aýa raiynyń bastalý kezeńinde azamattarmen olardyń júrip-turý jolynda bolatyn jazataiym oqiǵalar jiilep barady. Aýa-raiynyń nasharlaýyn boljaý kezinde biz "Dármen" mobildi qosymshasynda SMS-taratý, tele-, radioqabyldaý, BAQ, áleýmettik jeliler arqyly daýyldy eskertýlerdi halyqqa jetkizemiz. Daýyl týraly eskertýlerdi jariialaý kezinde alys qashyqtyqqa barýdan bas tartýdy usynamyz. Júrgizýshiler joldardyń jai-kúii týraly aqparatty qadaǵalap otyrýy kerek", - dep túsindirdi ShQO TJD bastyǵynyń orynbasary Qýatbek Kenjebekuly.
ShQO TJD komissiia quramynda "QazAvtoJol" UK" AQ ShQOF, JAO, JPQ ókilderiniń qatysýymen "Qazaqavtojol" JShS oblystyq filialynyń respýblikalyq mańyzy bar avtojoldardy qys merzimine daiyndyǵyna tekserýler júrgiziledi, nátijeleri boiynsha daiyndyq aktilerin jasalynatyn bolady.
"Qys-2024" respýblikalyq komandalyq-shtabtyq oqý-jattyǵýlary sheńberinde oblystyq Azamattyq qorǵaý qyzmetterin qysqy kezeńnen ótýge tekserý josparlanǵan.
