كٶپ جىلدىق تەجٸريبەگە سٷيەنە وتىرىپ, شىعىس قازاقستاندا ۇزىندىعى 256 شاقىرىم بولاتىن 130 قار باسىپ قالاتىن ۋچاسكەلەر كٷشەيتٸلگەن باقىلاۋعا الىناتىن بولادى. زارداپ شەككەندەرگە كٶمەك كٶرسەتۋ ٷشٸن 10 جىلىتۋ پۋنكتٸ مەن 15 جول بويىنداعى بيزنەس نىسانىنىڭ جۇمىسى ۇيىمداستىرىلادى. ۇلان اۋدانى پريۆولنوە اۋىلىندا تەۋلٸك بويى 1 تراسسالىق مەديتسينالىق-قۇتقارۋ پۋنكتٸ جۇمىس ٸستەيدٸ, دەپ حابارلايدى Dalanews.kz شقو تجد باسپاسٶز قىزمەتٸنە سٸلتەمە جاساپ.
"جەرگٸلٸكتٸ اۋقىمداعى تج جويۋ جوسپارىنا سەيكەس جەكە قۇرامنىڭ 1717 ادامى, 686 بٸرلٸك تەحنيكا جۇمىلدىرىلادى. ونىڭ ٸشٸندە 389 قار تازالاۋ تەحنيكاسى, 181 ينجەنەرلٸك تەحنيكا, 30 ەۆاكۋاتسييالىق تەحنيكا جەنە 86 جوعارى ٶتٸمدٸ تەحنيكا. جىل سايىنعى تەجٸريبەنٸ ەسكەرە وتىرىپ, بۇل تەحنيكا "ٶسكەمەن – التاي – ٷلكەن نارىن – كاتونقاراعاي – راحمان قاينارلارى", "ٶسكەمەن – شەمونايحا – رف شەكاراسى", "ٶسكەمەن – سەمەي", وبلىستىق ماڭىزى بار جولداردا: "ٶسكەمەن – تارعىن – سامار" جولداردا جۇمىس ٸستەۋگە تارتىلادى.
وبلىس اۋماعىندا 497 كٶشكٸن تٷسەتٸن ايماقتار بار. شق "قازسەلدەنقورعاۋ" مم فيليالى وبلىستىڭ قىزمەت كٶرسەتٸلەتٸن اۋداندارى بويىنشا قار كٶشكٸنٸ قاۋپٸ بار كەزەڭگە ۋاقتىلى دايىندىق ماقساتىندا قار كٶشكٸنٸ مارشرۋتتارىن ەزٸرلەدٸ. قار كٶشكٸنٸ قاۋپٸ بار كەزەڭ ٸشٸندە باقىلاۋشىلار اپتا سايىن قار كٶشكٸنٸ قاۋپٸ بار ۋچاسكەلەرگە جەرٷستٸ زەرتتەۋ جٷرگٸزەدٸ جەنە قاجەت بولعان جاعدايدا قار ماسساسىن تٷسٸرۋدٸ جٷزەگە اسىرادى.
"سۋىق اۋا رايىنىڭ باستالۋ كەزەڭٸندە ازاماتتارمەن ولاردىڭ جٷرٸپ-تۇرۋ جولىندا بولاتىن جازاتايىم وقيعالار جيٸلەپ بارادى. اۋا-رايىنىڭ ناشارلاۋىن بولجاۋ كەزٸندە بٸز "دەرمەن" موبيلدٸ قوسىمشاسىندا SMS-تاراتۋ, تەلە-, راديوقابىلداۋ, باق, ەلەۋمەتتٸك جەلٸلەر ارقىلى داۋىلدى ەسكەرتۋلەردٸ حالىققا جەتكٸزەمٸز. داۋىل تۋرالى ەسكەرتۋلەردٸ جارييالاۋ كەزٸندە الىس قاشىقتىققا بارۋدان باس تارتۋدى ۇسىنامىز. جٷرگٸزۋشٸلەر جولداردىڭ جاي-كٷيٸ تۋرالى اقپاراتتى قاداعالاپ وتىرۋى كەرەك", - دەپ تٷسٸندٸردٸ شقو تجد باستىعىنىڭ ورىنباسارى قۋاتبەك كەنجەبەكۇلى.
شقو تجد كوميسسييا قۇرامىندا "قازاۆتوجول" ۇك" اق شقوف, جاو, جپق ٶكٸلدەرٸنٸڭ قاتىسۋىمەن "قازاقاۆتوجول" جشس وبلىستىق فيليالىنىڭ رەسپۋبليكالىق ماڭىزى بار اۆتوجولداردى قىس مەرزٸمٸنە دايىندىعىنا تەكسەرۋلەر جٷرگٸزٸلەدٸ, نەتيجەلەرٸ بويىنشا دايىندىق اكتٸلەرٸن جاسالىناتىن بولادى.
"قىس-2024" رەسپۋبليكالىق كوماندالىق-شتابتىق وقۋ-جاتتىعۋلارى شەڭبەرٸندە وبلىستىق ازاماتتىق قورعاۋ قىزمەتتەرٸن قىسقى كەزەڭنەن ٶتۋگە تەكسەرۋ جوسپارلانعان.
