Shyǵys Qazaqstan oblystaǵy joldardy jóndeý boiynsha tehnikalyq qujattamalar daiyndalýda, dep habarlaidy Dalanews.kz ShQO Jolaýshy kóligi jáne avtomobil joldary basqarmasy aqparatyna súienip.
Kólik ministrliginiń aldyn ala josparlary boiynsha, ShQO-daǵy Buqtyrma sý qoimasy arqyly ótetin kópir qurylysyn aiaqtaýǵa 29 mlrd teńge somasynda tolyq qarjylandyrýdy qamtamasyz etý, 2024 jyldyń sońyna deiin kópirdi paidalanýǵa berý josparlanýda.
2024 jyly Qalbataý-Maiqapshaǵai, Taldyqorǵan-Óskemen, Osinov asýy respýblikalyq joldaryn qaita jańartý jalǵasady.
"QazAvtoJol UK" AQ respýblikalyq mańyzy bar 200 shaqyrymǵa jýyq joldy, onyń ishinde Óskemennen Shemonaiha, Ridder, Altai, Semei qalalary baǵyttary boiynsha jóndeý máselesin qarastyrýda.
Biyl Shemonaiha qalasynda Ýba ózeni arqyly ótetin kópirdi qaita jańǵyrtýdy bastaý josparlanýda, - dep habarlady ShQO Jolaýshy kóligi jáne avtomobil joldary basqarmasy. - Kópir 1962 jyly salynǵan. Sarapshylardyń qorytyndysy boiynsha, kópir apatty dep tanylǵan, kóliktiń jalpy salmaǵy boiynsha shekteý engizilgen, keri qozǵalys uiymdastyryldy. Qazirgi ýaqytta jobalaýshyny anyqtaý boiynsha konkýrs ótkizilýde.
Óskemen qalasynda Sátbaev pen Jibek Joly dańǵyldarynyń qiylysynda kólik airyǵynyń, Permitin men Slavskii kósheleriniń qiylysynyń qurylysy jalǵasady, Almaty qalasyna shyǵatyn Jibek joly kóshesin, Bazovaia kóshesin qaita jańartý jobalary aiaqtalady. Sáýir-mamyr ailarynda "ÚMZ" AQ aýdanyndaǵy Úlbi ózeni arqyly ótetin Shnaider kópirin qalpyna keltirý josparlanýda.
Eldi mekenderdiń joldary men kóshelerin ortasha jóndeýge 28,5 mlrd teńge bólý josparlanýda, onyń sheńberinde shamamen 600 km jol jóndeý kútilýde, onyń ishinde:
⠀⠀- oblystyq mańyzy bar 222 km jol
⠀⠀- aýdandyq mańyzy bar 153 km jol
⠀⠀- eldi mekenderdiń 108 km kósheleri
⠀⠀- "Aýyl - el besigi" aiasynda aýdandyq mańyzy bar 88 km kósheler men joldar
⠀⠀- aýdandardyń óz qarajaty esebinen 29 km joldar men kósheler jóndelýi tiis
- Jol jóndeýdiń ár nysanyn jumys sapasyn Ulttyq sapa ortalyǵy tekseretin bolady, - dep málimdedi basqarmadaǵylar. - Aýyr júkterdiń baqylaýsyz qozǵalysy saldarynan joldardyń saqtalýyn qamtamasyz etý maqsatynda oblystyq mańyzy bar joldarda salmaqtyq baqylaý júielerin ornatý máselesi pysyqtalýda.
Qazirgi ýaqytta joldardy jóndeý boiynsha tehnikalyq qujattamany daiyndaýmen qatar, memlekettik satyp alý týraly zańnama sheńberinde konkýrstyq rásimder bastaldy.
