شىعىس قازاقستان وبلىستاعى جولداردى جوندەۋ بويىنشا تەحنيكالىق قۇجاتتامالار دايىندالۋدا، دەپ حابارلايدى Dalanews.kz شقو جولاۋشى كولىگى جانە اۆتوموبيل جولدارى باسقارماسى اقپاراتىنا سۇيەنىپ.
كولىك مينيسترلىگىنىڭ الدىن الا جوسپارلارى بويىنشا، شقو-داعى بۇقتىرما سۋ قويماسى ارقىلى وتەتىن كوپىر قۇرىلىسىن اياقتاۋعا 29 ملرد تەڭگە سوماسىندا تولىق قارجىلاندىرۋدى قامتاماسىز ەتۋ، 2024 جىلدىڭ سوڭىنا دەيىن كوپىردى پايدالانۋعا بەرۋ جوسپارلانۋدا.
2024 جىلى قالباتاۋ-مايقاپشاعاي، تالدىقورعان-وسكەمەن، وسينوۆ اسۋى رەسپۋبليكالىق جولدارىن قايتا جاڭارتۋ جالعاسادى.
"قازاۆتوجول ۇك" اق رەسپۋبليكالىق ماڭىزى بار 200 شاقىرىمعا جۋىق جولدى، ونىڭ ىشىندە وسكەمەننەن شەمونايحا، ريددەر، التاي، سەمەي قالالارى باعىتتارى بويىنشا جوندەۋ ماسەلەسىن قاراستىرۋدا.
بيىل شەمونايحا قالاسىندا ۋبا وزەنى ارقىلى وتەتىن كوپىردى قايتا جاڭعىرتۋدى باستاۋ جوسپارلانۋدا، - دەپ حابارلادى شقو جولاۋشى كولىگى جانە اۆتوموبيل جولدارى باسقارماسى. - كوپىر 1962 جىلى سالىنعان. ساراپشىلاردىڭ قورىتىندىسى بويىنشا، كوپىر اپاتتى دەپ تانىلعان، كولىكتىڭ جالپى سالماعى بويىنشا شەكتەۋ ەنگىزىلگەن، كەرى قوزعالىس ۇيىمداستىرىلدى. قازىرگى ۋاقىتتا جوبالاۋشىنى انىقتاۋ بويىنشا كونكۋرس وتكىزىلۋدە.
وسكەمەن قالاسىندا ساتبايەۆ پەن جىبەك جولى داڭعىلدارىنىڭ قيىلىسىندا كولىك ايرىعىنىڭ، پەرميتين مەن سلاۆسكيي كوشەلەرىنىڭ قيىلىسىنىڭ قۇرىلىسى جالعاسادى، الماتى قالاسىنا شىعاتىن جىبەك جولى كوشەسىن، بازوۆايا كوشەسىن قايتا جاڭارتۋ جوبالارى اياقتالادى. ءساۋىر-مامىر ايلارىندا "ءۇمز" اق اۋدانىنداعى ءۇلبى وزەنى ارقىلى وتەتىن شنايدەر كوپىرىن قالپىنا كەلتىرۋ جوسپارلانۋدا.
ەلدى مەكەندەردىڭ جولدارى مەن كوشەلەرىن ورتاشا جوندەۋگە 28،5 ملرد تەڭگە ءبولۋ جوسپارلانۋدا، ونىڭ شەڭبەرىندە شامامەن 600 كم جول جوندەۋ كۇتىلۋدە، ونىڭ ىشىندە:
⠀⠀- وبلىستىق ماڭىزى بار 222 كم جول
⠀⠀- اۋداندىق ماڭىزى بار 153 كم جول
⠀⠀- ەلدى مەكەندەردىڭ 108 كم كوشەلەرى
⠀⠀- "اۋىل - ەل بەسىگى" اياسىندا اۋداندىق ماڭىزى بار 88 كم كوشەلەر مەن جولدار
⠀⠀- اۋدانداردىڭ ءوز قاراجاتى ەسەبىنەن 29 كم جولدار مەن كوشەلەر جوندەلۋى ءتيىس
- جول جوندەۋدىڭ ءار نىسانىن جۇمىس ساپاسىن ۇلتتىق ساپا ورتالىعى تەكسەرەتىن بولادى، - دەپ مالىمدەدى باسقارماداعىلار. - اۋىر جۇكتەردىڭ باقىلاۋسىز قوزعالىسى سالدارىنان جولداردىڭ ساقتالۋىن قامتاماسىز ەتۋ ماقساتىندا وبلىستىق ماڭىزى بار جولداردا سالماقتىق باقىلاۋ جۇيەلەرىن ورناتۋ ماسەلەسى پىسىقتالۋدا.
قازىرگى ۋاقىتتا جولداردى جوندەۋ بويىنشا تەحنيكالىق قۇجاتتامانى دايىنداۋمەن قاتار، مەملەكەتتىك ساتىپ الۋ تۋرالى زاڭناما شەڭبەرىندە كونكۋرستىق راسىمدەر باستالدى.
