Osylaisha óńirde 2021 jylǵymen salystyrǵanda 20,5%-ǵa ósken dep atap ótti ShQO óńirlik kommýnikatsiialar qyzmeti alańynda ótken brifingte QR Strategiialyq josparlaý jáne reformalar agenttigi Ulttyq statistika biýrosynyń Shyǵys Qazaqstan oblysy boiynsha departamenti basshysy Ernaz Nurlanov.
Óńir turǵyndarynyń eńbekaqy deńgeii respýblikanyń basqa óńirleriniń ishinde 2022 jyldyń qorytyndysymen salystyrǵanda 6-shy oryndy ielengen.
Oblystyń 2022 jylǵy áleýmettik-ekonomikalyq damý qorytyndylary ónerkásip óndirisiniń, aýylsharýashylyǵy ónimderiniń, bólshek saýda taýar ainalymynyń, júk ainalymynyń, qurylys jumystary jáne negizgi kapitalǵa investitsiialar kóleminiń artqandyǵy jaily brifingte Ernaz Nurlanuly aityp ótti.
– 2022 jylǵy qańtar-jeltoqsanda ónerkásip óndirisiniń kólemi 2194,2 mlrd teńgeni qurady. Ónerkásip óndirisiniń respýblikalyq kóleminiń 4,6%-yn bizdiń oblys óndirdi. 2022 jylǵy qańtar-jeltoqsanda aýylsharýashylyǵynyń jalpy óniminiń kólemi 527,3 mlrd teńgeni qurady. Aýylsharýashylyǵy óniminiń respýblikalyq kóleminiń 5,7%-yn bizdiń oblys óndirdi. 2022 jylǵy qańtar-jeltoqsanda 2021 jylǵy sáikes kezeńmen salystyrǵanda mal sharýashylyǵy óniminiń kólemi 6,9%-ǵa artyp, ósimdik sharýashylyǵy ónimi ótken jyldyń deńgeiinde qalyp, 100%-dy qurady.
Sút jáne et óndirýdiń úles salmaǵy boiynsha respýblikalyq kólemde oblys besinshi oryndy ielendi. 2022 jylǵy qańtar-jeltoqsanda qosymsha baǵalaýdy esepke alǵanda negizgi kapitalǵa salynǵan investitsiialar kólemi 545,4 mlrd. teńgege jetti, bul 2021 jylǵa qaraǵanda 11,2%-ǵa kóp, – dedi Ulttyq statistika biýrosynyń Shyǵys Qazaqstan oblysy boiynsha departamenti basshysy.
Sondai-aq brifingte oblysta azyq-túlik taýarlary 24,0%, azyq-túlik emes taýarlary 20,5%, qyzmet kórsetýler 13,8%-ǵa qymbattaǵany belgili boldy.
Al stitistikalyq málimetterge kóz júgirtsek 2023 jylǵy 1 qańtardaǵy jaǵdai boiynsha oblys halqynyń sany, 2021 jylǵy Ulttyq halyq sanaǵynyń qorytyndysyn eskeráp 730,2 myń adamdy qurady, onyń ishinde 483,3 myń adam qala turǵyndary jáne 246,9 myń adam – aýyl turǵyndary bolǵan.
2022 jylǵy 1 qańtardan bergi kezeń ishinde ShQO halqynyń sany 2794 adamǵa azaidy. Qala halqynyń úlesi 0,1 paiyz pýnktine artyp, aýyl halqy 1,3%-ǵa kemidi. Jáne aimaqta genderlik aspekt turǵysynda áielder sanynyń basymdyǵy baiqalady. Sandarǵa nazar aýdarsaq, erler sany 2023 jylǵy 1 qańtarda 349,5 myń adamdy nemese 47,9%, áielder 380,7 myń adamdy (52,1%) qurady.
Al shyǵysqazaqstandyqtardyń 2022 jyly 4 toqsanda ortasha jalaqysy 323 726 teńgeni quraǵan eken. Biraq 4 toqsanda ortasha ailyq jalaqynyń ósýi jyl aiaǵynda syilyqaqy, ústemaqy, ótemaqy jáne birjolǵy tólemderdi eseptegende eńbekaqy qorynyń ulǵaiýymen bailanysty bolanyn Ernaz Nurlanov alǵa tartty.
Sonymen qatar 2023 jylǵy 1 qańtardaǵy jaǵdai boiynsha tirkelgen zańdy tulǵalar sany 14996 birlikti qurady jáne 2022 jylǵy sáikes kúnmen salystyrǵanda 3,2%-ǵa artqany baiqalady.
Jumys istep turǵan zańdy tulǵalar sany 11555 birlikti qurady nemese bul tirkelgender sanynyń 77,1%-y. Al oblystaǵy shaǵyn biznes sýbektileriniń (zańdy tulǵalardyń) sany 12156 birlikti qurady jáne ótken jylǵy sáikes kúnmen salystyrǵanda 1,4%-ǵa artyp otyr.
