وسىلايشا وڭىردە 2021 جىلعىمەن سالىستىرعاندا 20،5%-عا وسكەن دەپ اتاپ ءوتتى شقو وڭىرلىك كوممۋنيكاسيالار قىزمەتى الاڭىندا وتكەن بريفينگتە ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ شىعىس قازاقستان وبلىسى بويىنشا دەپارتامەنتى باسشىسى ەرناز نۇرلانوۆ.
ءوڭىر تۇرعىندارىنىڭ ەڭبەكاقى دەڭگەيى رەسپۋبليكانىڭ باسقا وڭىرلەرىنىڭ ىشىندە 2022 جىلدىڭ قورىتىندىسىمەن سالىستىرعاندا 6-شى ورىندى يەلەنگەن.
وبلىستىڭ 2022 جىلعى الەۋمەتتىك-ەكونوميكالىق دامۋ قورىتىندىلارى ونەركاسىپ ءوندىرىسىنىڭ، اۋىلشارۋاشىلىعى ونىمدەرىنىڭ، بولشەك ساۋدا تاۋار اينالىمىنىڭ، جۇك اينالىمىنىڭ، قۇرىلىس جۇمىستارى جانە نەگىزگى كاپيتالعا ينۆەستيسيالار كولەمىنىڭ ارتقاندىعى جايلى بريفينگتە ەرناز نۇرلان ۇلى ايتىپ ءوتتى.
– 2022 جىلعى قاڭتار-جەلتوقساندا ونەركاسىپ ءوندىرىسىنىڭ كولەمى 2194،2 ملرد تەڭگەنى قۇرادى. ونەركاسىپ ءوندىرىسىنىڭ رەسپۋبليكالىق كولەمىنىڭ 4،6%-ىن ءبىزدىڭ وبلىس ءوندىردى. 2022 جىلعى قاڭتار-جەلتوقساندا اۋىلشارۋاشىلىعىنىڭ جالپى ءونىمىنىڭ كولەمى 527،3 ملرد تەڭگەنى قۇرادى. اۋىلشارۋاشىلىعى ءونىمىنىڭ رەسپۋبليكالىق كولەمىنىڭ 5،7%-ىن ءبىزدىڭ وبلىس ءوندىردى. 2022 جىلعى قاڭتار-جەلتوقساندا 2021 جىلعى سايكەس كەزەڭمەن سالىستىرعاندا مال شارۋاشىلىعى ءونىمىنىڭ كولەمى 6،9%-عا ارتىپ، وسىمدىك شارۋاشىلىعى ءونىمى وتكەن جىلدىڭ دەڭگەيىندە قالىپ، 100%-دى قۇرادى.
ءسۇت جانە ەت ءوندىرۋدىڭ ۇلەس سالماعى بويىنشا رەسپۋبليكالىق كولەمدە وبلىس بەسىنشى ورىندى يەلەندى. 2022 جىلعى قاڭتار-جەلتوقساندا قوسىمشا باعالاۋدى ەسەپكە العاندا نەگىزگى كاپيتالعا سالىنعان ينۆەستيسيالار كولەمى 545،4 ملرد. تەڭگەگە جەتتى، بۇل 2021 جىلعا قاراعاندا 11،2%-عا كوپ، – دەدى ۇلتتىق ستاتيستيكا بيۋروسىنىڭ شىعىس قازاقستان وبلىسى بويىنشا دەپارتامەنتى باسشىسى.
سونداي-اق بريفينگتە وبلىستا ازىق-تۇلىك تاۋارلارى 24،0%، ازىق-تۇلىك ەمەس تاۋارلارى 20،5%، قىزمەت كورسەتۋلەر 13،8%-عا قىمباتتاعانى بەلگىلى بولدى.
ال ستيتيستيكالىق مالىمەتتەرگە كوز جۇگىرتسەك 2023 جىلعى 1 قاڭتارداعى جاعداي بويىنشا وبلىس حالقىنىڭ سانى، 2021 جىلعى ۇلتتىق حالىق ساناعىنىڭ قورىتىندىسىن ەسكەراپ 730،2 مىڭ ادامدى قۇرادى، ونىڭ ىشىندە 483،3 مىڭ ادام قالا تۇرعىندارى جانە 246،9 مىڭ ادام – اۋىل تۇرعىندارى بولعان.
2022 جىلعى 1 قاڭتاردان بەرگى كەزەڭ ىشىندە شقو حالقىنىڭ سانى 2794 ادامعا ازايدى. قالا حالقىنىڭ ۇلەسى 0،1 پايىز پۋنكتىنە ارتىپ، اۋىل حالقى 1،3%-عا كەمىدى. جانە ايماقتا گەندەرلىك اسپەكت تۇرعىسىندا ايەلدەر سانىنىڭ باسىمدىعى بايقالادى. ساندارعا نازار اۋدارساق، ەرلەر سانى 2023 جىلعى 1 قاڭتاردا 349،5 مىڭ ادامدى نەمەسە 47،9%، ايەلدەر 380،7 مىڭ ادامدى (52،1%) قۇرادى.
ال شىعىسقازاقستاندىقتاردىڭ 2022 جىلى 4 توقساندا ورتاشا جالاقىسى 323 726 تەڭگەنى قۇراعان ەكەن. ءبىراق 4 توقساندا ورتاشا ايلىق جالاقىنىڭ ءوسۋى جىل اياعىندا سىيلىقاقى، ۇستەماقى، وتەماقى جانە ءبىرجولعى تولەمدەردى ەسەپتەگەندە ەڭبەكاقى قورىنىڭ ۇلعايۋىمەن بايلانىستى بولانىن ەرناز نۇرلانوۆ العا تارتتى.
سونىمەن قاتار 2023 جىلعى 1 قاڭتارداعى جاعداي بويىنشا تىركەلگەن زاڭدى تۇلعالار سانى 14996 بىرلىكتى قۇرادى جانە 2022 جىلعى سايكەس كۇنمەن سالىستىرعاندا 3،2%-عا ارتقانى بايقالادى.
جۇمىس ىستەپ تۇرعان زاڭدى تۇلعالار سانى 11555 بىرلىكتى قۇرادى نەمەسە بۇل تىركەلگەندەر سانىنىڭ 77،1%-ى. ال وبلىستاعى شاعىن بيزنەس سۋبەكتىلەرىنىڭ (زاڭدى تۇلعالاردىڭ) سانى 12156 بىرلىكتى قۇرادى جانە وتكەن جىلعى سايكەس كۇنمەن سالىستىرعاندا 1،4%-عا ارتىپ وتىر.
