Shyǵys Qazaqstan oblysynda karantin engiziledi
18 sáýirde saǵat 00: 00-den bastap ShQO aýmaǵynda oblystyq jedel shtabtyń sheshimi boiynsha karantin rejimi engiziledi. Eldegi TJ kezeńi aiaqtalǵanǵa deiin oblysqa kirý jáne shyǵý shekteledi, dep habarlaidy Dalanews.kz.
Karantin kezeńinde birqatar jumys berýshiler óz qyzmetkerlerin jalaqysyn saqtai otyryp, distantsiialyq rejimge jiberýge tiis.
Oblys ákimi Danial Ahmetovtyń aitýynsha óńirlik jedel shtab qyzmetin toqtata turýǵa mindetti kásiporyndardyń tizimin tez arada ázirleýi tiis.
"Óskemen men Semeide engizilgen shekteý kezinde kólikpen qamtamasyz etý máselesin uiymdastyrýda bizneske qoldaý kórsettik. Biraq, ruqsat qaǵazdaryn alǵan keibir kásipkerler ony maqsatsyz paidalanyp júr. Tipti, kei ruqsat qaǵazdardyń satylǵany týraly naqty aqparat bar", – dedi oblys ákimi.
Oblys ákimi buǵan bailanysty Sybailas jemqorlyqqa qarsy is-qimyl Departamenti tekserý júrgizýde ekenin aitty.
"Olar ruqsat qaǵazdaryn berýde qyzmetin asyra paidalanǵan memlekettik qyzmetshilerdiń zańsyz is-áreketteriniń jolyn kesip, tiisti sharalardy qabyldaidy", – dedi ákim.
Aita ketelik ShQO koronavirýs boiynsha elimizdegi kórsetkishi eń tómen óńirlerdiń biri. Oblysta qaýipti infektsiia juqtyrǵan 8 adam anyqtalǵan.
