18 ساۋىردە ساعات 00: 00-دەن باستاپ شقو اۋماعىندا وبلىستىق جەدەل شتابتىڭ شەشىمى بويىنشا كارانتين رەجيمى ەنگىزىلەدى. ەلدەگى تج كەزەڭى اياقتالعانعا دەيىن وبلىسقا كىرۋ جانە شىعۋ شەكتەلەدى، دەپ حابارلايدى Dalanews.kz.
كارانتين كەزەڭىندە ءبىرقاتار جۇمىس بەرۋشىلەر ءوز قىزمەتكەرلەرىن جالاقىسىن ساقتاي وتىرىپ، ديستانسيالىق رەجيمگە جىبەرۋگە ءتيىس.
وبلىس اكىمى دانيال احمەتوۆتىڭ ايتۋىنشا وڭىرلىك جەدەل شتاب قىزمەتىن توقتاتا تۇرۋعا مىندەتتى كاسىپورىنداردىڭ ءتىزىمىن تەز ارادا ازىرلەۋى ءتيىس.
"وسكەمەن مەن سەمەيدە ەنگىزىلگەن شەكتەۋ كەزىندە كولىكپەن قامتاماسىز ەتۋ ماسەلەءسىن ۇيىمداستىرۋدا بيزنەسكە قولداۋ كورسەتتىك. ءبىراق، رۇقسات قاعازدارىن العان كەيبىر كاسىپكەرلەر ونى ماقساتسىز پايدالانىپ ءجۇر. ءتىپتى، كەي رۇقسات قاعازداردىڭ ساتىلعانى تۋرالى ناقتى اقپارات بار"، – دەدى وبلىس اكىمى.
وبلىس اكىمى بۇعان بايلانىستى سىبايلاس جەمقورلىققا قارسى ءىس-قيمىل دەپارتامەنتى تەكسەرۋ جۇرگىزۋدە ەكەنىن ايتتى.
"ولار رۇقسات قاعازدارىن بەرۋدە قىزمەتىن اسىرا پايدالانعان مەملەكەتتىك قىزمەتشىلەردىڭ زاڭسىز ىس-ارەكەتتەرىنىڭ جولىن كەسىپ، ءتيىستى شارالاردى قابىلدايدى"، – دەدى اكىم.
ايتا كەتەلىك شقو كوروناۆيرۋس بويىنشا ەلىمىزدەگى كورسەتكىشى ەڭ تومەن وڭىرلەردىڭ ءبىرى. وبلىستا ءقاۋىپتى ينفەكسيا جۇقتىرعان 8 ادام انىقتالعان.
