Memleket basshysynyń tapsyrmasy boiynsha Shyǵys Qazaqstan oblysyndaǵy Buqtyrma sý qoimasy arqyly ótetin eldegi eń uzyn kópir iske qosyldy,- dep habarlaidy Dalanews.kz.
Joba óńirdegi kólik bailanysynyń kópjyldyq máselesin sheshýge baǵyttalǵan.
"Jurt jyldar boiy jazda – parommen, qysta – muzdyń ústimen júretin. Bul óte yńǵaisyz ári qaýipti bolǵany túsinikti. Endi másele birjola sheshimin tapty",- dedi QR Prezidenti Qasym-Jomart Toqaev.
Búgingi tańda Kúrshimdegi kópir Shyǵys Qazaqstan oblysynyń Kúrshim, Úlken Naryn, Marqakól, Katonqaraǵai, Tarbaǵatai jáne Zaisan aýdandaryn Óskemen qalasymen bailanystyra otyryp, kólik quraldarynyń jyl boiy qaýipsiz qozǵalysyn qamtamasyz etedi.
Alǵashqy tórt aida kópir arqyly 170 myńǵa jýyq avtomobil ótken. Iaǵni, kún saiyn 1,5 myńǵa jýyq kólik kópirdi paidalanady. Buǵan deiin aimaq turǵyndary 500 shaqyrymǵa deiin ainalma jol júrýge májbúr bolǵanyn aita ketken jón. Bul jol júrý ýaqyty men kólik shyǵynyn edáýir arttyrdy.
Kópirdiń qurylysyn Shyǵys Qazaqstan oblysyndaǵy otandyq kompaniia júzege asyrdy. Bul óńirdi jańa jumys oryndarymen qamtamasyz ete otyryp, jergilikti resýrstardy, mamandardy tartýǵa múmkindik berdi.Joba ozyq injenerlik tehnologiialardy qoldaný arqyly jáne barlyq sapa standarttaryna sáikes júzege asyryldy.
Kópirdiń jalpy uzyndyǵy - 1316 metrdi, eni - 12,2 metrdi quraidy. Bir jaǵynda jaiaý júrginshiler jolaǵy salynǵan. Qysqy kezeńde konstrýktsiiany qorǵaý úshin tirekterdiń árqaisysynda arnaiy muzkeskishter ornatylǵan.
Sonymen qatar sý betinen kópirge deiingi qashyqtyq 18 metrdi quraidy. Bul navigatsiia kezeńinde kemelerdiń kópirdiń astynan kedergisiz ótýine múmkindik beredi.
Qaýipsizdikti qamtamasyz etý úshin Buqtyrma sý qoimasy arqyly ótetin jańa kópirde 102 beinebaqylaý kamerasy ornatylǵan, onyń 62-si kópirdiń joǵarǵy bóliginde, 40-y kópir asty aimaǵynda ornalasqan. Kameralar onlain rejimde jumys isteidi, bul kópirdiń jaǵdaiyn únemi baqylaýdy qamtamasyz etedi.
Óńir turǵyndary kópir sý qoimasynyń eki jaǵyndaǵy eldi mekender arasyndaǵy kólik qatynasy máselesin sheshkenin aitady. Atalǵan kópir azamattardyń qaýipsiz qozǵalysyn qamtamasyz etip, taýar jetkizý ýaqytyn jedeldetti.
Kúrshimdegi kópir – jai ǵana qurylys emes, barlyq óńir úshin jańa úderis pen jańa múmkindikterdiń simvoly ispettes.
"Qysta Buqtyrma sý qoimasynyń arǵy jaǵyna ótý úshin qalyń muzdyń qatýyn kútkenimiz esimde. Endi biz bul týraly oilamaimyz! Kólikke otyrasyń – arǵy jaǵadan shyǵasyń. Biz úshin bul kópir úlken álemge ashylǵan esik siiaqty. Qalaǵa barý áldeqaida jeńil, jyldam jáne qaýipsiz", - deidi Jergilikti turǵyn Aibar Erikov.
Shaǵyn kásip iesi Ainash Orazbaeva óńirdegi saýda jandana túskenin málimdeidi:
"Buryn bizge taýarlardy jetkizý naǵyz kvest bolatyn: jazda – parom, qysta – muz ústimen, al maýsymnan tys ýaqytta eshteńe ákelmeitin. Endi taýarlar úzilissiz jetkizilip, dúkenderdegi assortiment ósti, baǵalar turaqtaldy. Kópir arqyly jumys isteý álde qaida ońai, al adamdardyń ómir súrýine yńǵaily jaǵdai jasaldy".
Aýyr júk kóliginiń júrgizýshisi Murat Ramazanov joldy jáne joldaǵy ýaqytty únemdeý týraly aityp berdi:
"Eger buryn maǵan Buqtyrma sý qoimasyn ainalyp ótý úshin qosymsha 500 shaqyrym júrý kerek bolatyn. Sebebi men tabiǵatymnan ekstremaldy jaqsy kórmeimin jáne kóligimniń salmaǵymen muzdyń beriktigin teksergim kelmedi. Endi men kópirden ótip bara jatyrmyn. Bul janar maidy ǵana emes, ýaqytty da únemdep, júikeniń de sharshamaýyna úlken múmkindik".
Kúrshimdegi kópir Shyǵys Qazaqstannyń áleýmettik-ekonomikalyq damýyna serpin berip qana qoimai, tutastai alǵanda eldiń kólik-logistikalyq salasynyń damýyna oń áserin tigizip, logistikalyq baǵyttardy jaqsartyp, shekara mańyndaǵy eldermen úzdiksiz bailanystardy qamtamasyz etti. Sondai-aq kópir aimaqtyń týristik áleýetin arttyryp, óńirdegi jáne Buqtyrma sý qoimasynyń kórkem kórinisin tamashalaýǵa múmkindik bereri sózsiz.
