Shyǵys Qazaqstan oblysynyń delegatsiiasy Qytai Halyq Respýblikasynyń Sintszian-Uiǵyr avtonomiialyq aýdanyna jasaǵan sapary aiasynda jalpy quny 2 milliard AQSh dollaryn quraityn 13 yntymaqtastyq memorandýmyna qol qoidy. Bul qujattar túrli salalar boiynsha birlesken jobalardy júzege asyrýǵa múmkindik beredi, dep habarlaidy Dalanews.kz
Qazirdiń ózinde oblys aýmaǵynda 45 Qazaqstan-Qytai birlesken kásiporny jumys isteidi. Qytaidyń ShQO-nyń syrtqy saýdasyndaǵy úlesi 20%-dan asyp, 1 milliard AQSh dollarynan joǵary deńgeige jetken.
Eske salaiyq, ShQO delegatsiiasy Altai qalasynda ótken «Altai – ortaq úiimiz» atty halyqaralyq yntymaqtastyq konferentsiiasyna qatysty. Is-sharaǵa Qytaidyń Sintszian-Uiǵyr avtonomiialyq aýdany, Abai, Jetisý oblystary, Resei men Mońǵoliia shekaralyq óńirleriniń basshylary qatysty.
Forýmda ShQO ákimi Nurymbet Saqtaǵanov sóz sóilep, kezdesýdiń Qazaqstan men Qytai kóshbasshylarynyń — Qasym-Jomart Toqaev pen Si Tszinpin arasyndaǵy senimdi ári strategiialyq seriktestiktiń negizinde ótip jatqanyn atap ótti. Ol «Bir beldeý – bir jol» bastamasy aiasynda ózara yntymaqtastyqtyń jańa deńgeige kóterilgenin aitty.
Aita keteiik, forým Qytaidyń ejelgi «Dýaný» (Aidahar qaiyqtarynyń) merekesi qarsańynda uiymdastyryldy. Bul – eki el arasyndaǵy dostyq pen mádeni bailanysty nyǵaitýdyń mańyzdy belgisi.
