شىعىس قازاقستان وبلىسىنىڭ دەلەگاتسيياسى قىتاي حالىق رەسپۋبليكاسىنىڭ سينتسزيان-ۇيعىر اۆتونومييالىق اۋدانىنا جاساعان ساپارى اياسىندا جالپى قۇنى 2 ميلليارد اقش دوللارىن قۇرايتىن 13 ىنتىماقتاستىق مەموراندۋمىنا قول قويدى. بۇل قۇجاتتار تٷرلٸ سالالار بويىنشا بٸرلەسكەن جوبالاردى جٷزەگە اسىرۋعا مٷمكٸندٸك بەرەدٸ, دەپ حابارلايدى Dalanews.kz
قازٸردٸڭ ٶزٸندە وبلىس اۋماعىندا 45 قازاقستان-قىتاي بٸرلەسكەن كەسٸپورنى جۇمىس ٸستەيدٸ. قىتايدىڭ شقو-نىڭ سىرتقى ساۋداسىنداعى ٷلەسٸ 20%-دان اسىپ, 1 ميلليارد اقش دوللارىنان جوعارى دەڭگەيگە جەتكەن.
ەسكە سالايىق, شقو دەلەگاتسيياسى التاي قالاسىندا ٶتكەن «التاي – ورتاق ٷيٸمٸز» اتتى حالىقارالىق ىنتىماقتاستىق كونفەرەنتسيياسىنا قاتىستى. ٸس-شاراعا قىتايدىڭ سينتسزيان-ۇيعىر اۆتونومييالىق اۋدانى, اباي, جەتٸسۋ وبلىستارى, رەسەي مەن موڭعولييا شەكارالىق ٶڭٸرلەرٸنٸڭ باسشىلارى قاتىستى.
فورۋمدا شقو ەكٸمٸ نۇرىمبەت ساقتاعانوۆ سٶز سٶيلەپ, كەزدەسۋدٸڭ قازاقستان مەن قىتاي كٶشباسشىلارىنىڭ — قاسىم-جومارت توقاەۆ پەن سي تسزينپين اراسىنداعى سەنٸمدٸ ەرٸ ستراتەگييالىق سەرٸكتەستٸكتٸڭ نەگٸزٸندە ٶتٸپ جاتقانىن اتاپ ٶتتٸ. ول «بٸر بەلدەۋ – بٸر جول» باستاماسى اياسىندا ٶزارا ىنتىماقتاستىقتىڭ جاڭا دەڭگەيگە كٶتەرٸلگەنٸن ايتتى.
ايتا كەتەيٸك, فورۋم قىتايدىڭ ەجەلگٸ «دۋانۋ» (ايداھار قايىقتارىنىڭ) مەرەكەسٸ قارساڭىندا ۇيىمداستىرىلدى. بۇل – ەكٸ ەل اراسىنداعى دوستىق پەن مەدەني بايلانىستى نىعايتۋدىڭ ماڭىزدى بەلگٸسٸ.
