«Shyǵys – Adaldyq alańy» jobalyq keńsesiniń basshysy úrjarlyqtarmen kezdesti
Sapardyń negizgi maqsaty – sybailas jemqorlyqqa qarsy is-qimyl agenttiginiń óz ieliginde sybailas jemqorlyqqa qarsy qajetti quraldardyń barlyq spektrin alýǵa múmkindik beretin «Ákimshilik quqyq buzýshylyq týraly» QR Kodeksine engizilgen jańalyqtardy túsindirý.
Is-sharaǵa aýdan ákiminiń mindetin atqarýshy B. Turlybekov, máslihat hatshysy K. Karashev, apparat basshysy A. Baimýrzaev, quqyq qorǵaý organdary basshylary, derbes bólim, mekeme basshylary, bilim, densaýlyq saqtaý salalarynyń qyzmetkerleri, memlekettik qyzmetshiler jáne ákimshilik-aýmaqtyq birlikter ákimderi (ZOOM arqyly) qatysty.
Jiyn barysynda ákimshilik normalar men «Shyǵys – Adaldyq alańy» jobalyq keńsesiniń maqsat-mindetteri túsindirilip, sybailas jemqorlyqqa qatysty áleýmettik rolikter kórsetildi. Sonymen qatar sybailas jemqorlyq faktileri týraly habarlaǵan adamdardy kótermeleýdiń saralanǵan júiesin túsindirdi.
Sondai-aq, aýdan ákimdiginiń ǵimaratynda ornalasqan «Ashyq ákimdiktiń» jumysymen tanysty. Bul qyzmet «Open space» formatynda jumys isteidi. «Ashyq ákimdik» – azamattarǵa memlekettik qyzmetterdi jedel jáne kedergisiz alýǵa múmkindik beredi, aqparattyq ashyqtyqty, azamattar úshin memlekettik organnyń eseptiligi men qoljetimdiligin qamtamasyz etedi.
