«شىعىس – ادالدىق الاڭى» جوبالىق كەڭسەسىنىڭ باسشىسى مارجان باحىت قىزى جۇمىس ساپارىمەن ءۇرجار اۋدانىنا بارىپ، ءۇرجار اۋدانىنىڭ اكتيۆىمەن كەزدەسۋ وتكىزدى، – دەپ حابارلايدى Dalanews.kz.

ساپاردىڭ نەگىزگى ماقساتى – سىبايلاس جەمقورلىققا قارسى ءىس-قيمىل اگەنتتىگىنىڭ ءوز يەلىگىندە سىبايلاس جەمقورلىققا قارسى قاجەتتى قۇرالداردىڭ بارلىق سپەكترىن الۋعا مۇمكىندىك بەرەتىن «اكىمشىلىك قۇقىق بۇزۋشىلىق تۋرالى» ق ر كودەكسىنە ەنگىزىلگەن جاڭالىقتاردى ءتۇسىندىرۋ.

ءىس-شاراعا اۋدان اكىمىنىڭ مىندەتىن اتقارۋشى ب. تۇرلىبەكوۆ، ءماسليحات حاتشىسى ك. كاراشيەۆ، اپپارات باسشىسى ا. بايمۋرزايەۆ، قۇقىق قورعاۋ ورگاندارى باسشىلارى، دەربەس ءبولىم، مەكەمە باسشىلارى، ءبىلىم، دەنساۋلىق ساقتاۋ سالالارىنىڭ قىزمەتكەرلەرى، مەملەكەتتىك قىزمەتشىلەر جانە اكىمشىلىك-اۋماقتىق بىرلىكتەر اكىمدەرى (ZOOM ارقىلى) قاتىستى.

جيىن بارىسىندا اكىمشىلىك نورمالار مەن «شىعىس – ادالدىق الاڭى» جوبالىق كەڭسەسىنىڭ ماقسات-مىندەتتەرى ءتۇسىندىرىلىپ، سىبايلاس جەمقورلىققا قاتىستى الەۋمەتتىك روليكتەر كورسەتىلدى. سونىمەن قاتار سىبايلاس جەمقورلىق فاكتىلەرى تۋرالى حابارلاعان ادامداردى كوتەرمەلەۋدىڭ سارالانعان جۇيەسىن ءتۇسىندىردى.

سونداي-اق، اۋدان اكىمدىگىنىڭ عيماراتىندا ورنالاسقان «اشىق اكىمدىكتىڭ» جۇمىسىمەن تانىستى. بۇل قىزمەت «Open space» فورماتىندا جۇمىس ىستەيدى. «اشىق اكىمدىك» – ازاماتتارعا مەملەكەتتىك قىزمەتتەردى جەدەل جانە كەدەرگىسىز الۋعا مۇمكىندىك بەرەدى، اقپاراتتىق اشىقتىقتى، ازاماتتار ءۇشىن مەملەكەتتىك ورگاننىڭ ەسەپتىلىگى مەن قولجەتىمدىلىگىن قامتاماسىز ەتەدى.