Almaty qalasynyń perinataldyq ortalyǵy – Qazaqstandaǵy asa iri áielder bosanatyn mekeme, ol júkti áielderge, bosanatyn áielderge jáne joǵary táýekel tobyndaǵy bosanatyn áielderge joǵary bilikti akýsherlik-ginekologiialyq jáne neonatologiialyq kómek kórsetýge mamandandyrylǵan. Sondai-aq, ortalyq aiy-kúninen buryn týǵan sábilerdi baǵyp-kútýge de baǵyttalǵanyn aita ketýimiz kerek. Jyl saiyn Ortalyqta segiz myńǵa jýyq áiel bosanady, olardyń ishinde 15%-y – merziminen buryn bosanatyn áielder.
Almaty qalalyq perinataldyq ortalyǵy direktordyń neonataldyq qyzmet jónindegi orynbasary Nailia Hairýllina habarlaǵandai, qazirgi ýaqytta Ortalyqtyń balalar bólimsheleri meditsinalyq jabdyq tapshylyǵy baiqalýda. Máselen, mekemede nebári 10 ÓJJ apparaty (qajettilik – 18 apparat), 17 shprits dozatory (qajettilik – 54), 3 fototerapiia shamy (qajettilik – 9) bar. «Shevron» kompaniiasy syilaǵan jańa jabdyq ahýaldy barynsha jaqsartyp, dárigerlerge júzdegen balanyń ómirin qutqarýǵa múmkindik beredi.
Turmysy tómen otbasylardyń balalaryna arnalǵan Almaty oblystyq №15 mektep-internaty balalarynyń zaman talabany sai bilim men kásip alýyna múmkindik týyp otyr. Endi mektep-internattyń eki oqý sheberhanasy: temir sheberhanasy jáne shashtaraz bólmesi, sondai-aq áleýmettik-turmystyq baǵdar (ÁTB) bólmesi tolyqqandy jumys istep, jetkinshekterdi jańa kásipke baýlityn bolady. Endi balalar oqyp jatqan mekemeden shyqpai-aq, mamandyq alýǵa múmkindik alady. «Shevron» kompaniiasynyń qoldaýymen bólmelerge qajetti jabdyq, múkámmal, jihaz satyp alynǵanyn óz kózimizben kórdik. Bul jobany iske asyrýǵa 3 953 932 teńge jumsalypty.
Óz kezeginde Shevron kompaniiasynyń ókili Leila Aitmuhanova:
– Qazaqstan jastarynyń kásiptik baǵdarlanýy kásipkerlik daǵdylardy igerýmen qatar kompaniianyń áleýmettik baǵdarlamalarynyń mańyzdy bóligi. Jastardyń áleýetin iske asyrý, bolashaq ekonomikalyq derbestik pen pármendiliktiń ozyq úlgilerin kórsete bilý elimizdiń odan ári damýy úshin negizgi kórsetkishter bolyp tabylady dep esepteimiz, – dep oiyn ortaǵa saldy.
Almaty oblystyq №15 mektep-internatynda ÁTB bólmesin ashqan kezde shef-aspazdan sheberlik dárisi, al shashtaraz óneri bólmesinde kásibi stilist Laýra Túseevadan sheberlik dárisi ótti.
Mundai qoldaýǵa aqyl-oiy kem balalarǵa arnalǵan №6 arnaiy mektep-internatynyń órenderi de ie bolyp, bilim ordasynda qysh sheberhanasy ashyldy. «Shevron» kompaniiasy bólgen qarajatqa bólmege tiisti jabdyq satyp alynǵan. Mekemede «qysh isi» pánin bilikti túrde úiretý úshin ustaz Sankt-Peterbýrg qalasyna oqýǵa baryp keldi. Jobanyń jalpy quny 2 685 916 teńgeni qurady.
Budan basqa, mektep-internatta búgingi kúnnen bastap gúl ósirý bólmesi paida boldy. «AIaLA» qaiyrymdylyq qory stellaj, múkámmal, kitaptar, jihaz jáne basqa da zattar satyp alǵan. Barlyǵy 941 691 teńge jumsaldy. Onyń demeýshisi de «Shevron» kompaniiasy.
– Bul – bizdiń «Shevron» kompaniiasymen tabysty túrde iske asyryp jatqan kezekti jobalarymyz. Bes jyl yntymaqtasa jumys isteý kezinde biz birlesip kúsh-jiger jumsai otyryp, balalarǵa arnalǵan 75 bilim berý jáne meditsinalyq mekemelerine kómektestik. Olardyń 28-i Almatyda, 1-ýi Astanada jáne 35-i Ereimentaýda ornalasqan. Bolashaqta igi isterimizdiń aýqymy turaqty túrde keńeiedi dep úmittenemiz, – dedi «AIaLA» qaiyrymdylyq qorynyń prezidenti Aidan Súleimenova. Shara barysynda sóz alǵan №15 Almaty oblystyq mektep-internatynyń direktory Áliia Aqylbekova:
– Búginde bizdi tárbielenýshilerimiz boiyndaǵy bula kúshin qajetti arnaǵa jumsaityn múmkindik týyp otyrǵanyna qýanyp otyrmyz. Balalar tamaq isteý, ózderin dastarqan basynda durys ustaý, ydys jýýdy úirenedi. Qyzdar óz ónerin shashtaraz bólmesi janynda jumys isteitin «AIaLA» sulýlyq salonynda kórsete alady. Uldar temir sheberhanasyndaǵy jumyspen tanysady. Osylaisha, balalar bolashaqta adal eńbegimen nanyn taýyp jeitin bolady, – dep atap ótti Áliia Aqylbekova.
Jiyn barysynda mektep-internat tárbielenýshiler óz ónerlerin kórsetip, án aityp, bi biledi.
Nurlan ÁÝBÁKIR
