Jobanyń tanystyrylymy Almaty Taýerstegi Impact Hub Pilot Almaty keńistiginde ótedi.
Zertteýlerge kóz túrsek, kreativti ekonomika ázirgi kúni qarqyndy damyp jatqan salanyń biri eken. Damyǵan elderde kreativti indýstriianyń úlesi ishki jalpy ónimniń 5-9 paiyzyn quraidy.
Qazaqstanda qazirgi tańda shyǵarmashylyq indýstriiada jumys isteitin 18 myń kásiporyn bar. Alaida olardyń qyzmetin mádeni turǵydan qarastyrý basym, kásipkerlik klaster retinde kóńil bólinbeidi olarǵa. Bul óz kezeginde ekonomikanyń osy sektoryndaǵy básekelestikke keri áserin tigizýde.
Aita ketelik, atalǵan jobany biylǵy jyldyń mamyrynda Shevron kompaniiasynyń qoldaýymen Impact Hub Pilot Almaty (IHA) keńistigi iske qosqan.
Osy arqyly ózgeshe ideiasy bar kásipkerlerge qanat bitirip, olardyń jobalaryna qarjylai qoldaý kórsetýdi kózdegen.
Jobaǵa ázirgi kúni 15 kásipker qatysýda. Qolóner, jihaz jasaý, kino óneri, baspa isi, sáýlet óneri, moda, án jáne teatr óneri baǵytynda óz kásipterin ashqan biznesmender bilikti ádil qazylardyń tarapynan iriktelinip alynǵan.
Qazylar alqasynyń quramynda Qazaqstandaǵy qolónershiler odaǵynyń prezidenti Aijan Bekqulova, Urban Forum Kazakhstan jetekshisi Galina Koretskaia, Qazaqstandaǵy Britan keńesi mádeniet pen óner jobasynyń jetekshisi Láilá Aitmuhanova, Shevron kompaniiasy áleýmettik investitsiialar baǵdarlamasynyń úilestirýshisi Ámirhan Omarov, LaModa Kazakshtan direktory Móldir Yrsalieva bar.
Erekshe ideiasy bar kásipkerlerge qoldaý kórsetetin Art2B baǵdarlamasy shyǵarmashyl bizmenderge óz isin qalai jobalaý qajettigin, qalai nátijege jetýge bolatynyn aityp jol kórsetedi.
Biznes oqýdan bólek kásipkerler ózara kásibi bailanys ornatyp, IHA, Almaty Pop Up Store jáne Lamoda Kazakhstan siiaqty brendtermen birikken jobalar jasaityn bolady.
Baiqaý qorytyndysy boiynsha 10 kásipker óz jobalaryn júzege asyrýǵa arnalǵan mini-grant iegeri atanady. Al úzdik tanylǵan 3 joba óz ónimderin osy jyldyń jeltoqsanynda Almaty Pop Up Store jármeńkesinde qalyń qaýymǵa tanystyrýǵa múmkindik almaq.
