«Shevron» kompa­nıa­sy men «Aıala» qaıy­rymdyq qory birneshe jyl boıyna jemisti jobalardy júzege asyryp keledi.

Eki taraptyń arasyndaǵy áriptestik bıyl da jalǵasyn taýyp Almatydaǵy Perına­tal­dyq orta­lyǵyna asa qa­jetti qurylǵy satyp alyndy.

«Gıpotermıa» apparaty jáne elektroensefalograf qurylǵysynyń adamnyń ómirin saqtap qalýdaǵy mańyzy asa zor. Osynaý medısınalyq qurylǵylardyń kóme­gimen terapevtik gıpotermıanyń eki sa­lasyn ótkizýge bolady eken.



Aıtalyq, osy qurylǵymen naýqastyń dene qyzýyn tómendetýge bolady. Budan syrt gıpotermıa apparatyn qoldaný balalardyń aýrýy men bala ólimin tómendetip, sonyń ishinde neonatologıa satysyndaǵy patologıalyq jaǵdaılar­dyń 48 paıyzy tirkeletin gıpoksıalyq-ıshemıalyq ensefalopatıa kórsetki­shin azaıtýǵa kómektesedi.

Dárigerlerdiń aıtýynsha, ótkir perınataldy asfıksıa kezinde kóp jaǵdaıda sábılerde kezdesetin gıpoksıalyq-ıshemıalyq ensefalopatıanyń 20 paıyzy ólimge aparýy múmkin eken. Al 30 paıyzy júıke-psıhıkalyq aýrýǵa tap bolýy ǵajap emes. Eger de jańa týǵan balada GIE-niń aýyr formasy bolsa, endeshe 60 paıyzy ólip ketýi múmkin. Tiri qalǵan jaǵdaıda múgedek bolyp qalady.

Almaty qalasyndaǵy Perınataldy ortalyq dırektory Mádına Sháripbaevanyń aıtýyna qaraǵanda, búgingi tańda ortalyqta jyl saıyn segiz myńǵa jýyq áıel bosanady. Al sábılerdiń 15 paıyzy tym erte týylǵandar.

“Shevron” kompanıasynyń qarjylaı kómegimen satyp alynǵan osynaý medısınalyq quraldardyń arqasynda dárigerler nárestelerdiń ómirin saqtap qalýǵa múmkindi aldy” deıdi ol.

«Shevron» kompa­nıa­sy men «Aıala» qaıy­rymdyq qorynyń atqarǵan jumystary munymen shektelmeıdi.

Kúni keshe qalalyq №2 arnaıy áleý­mettik qyzmet kórsetý ortalyǵynda múmkindigi shekteýli balalarǵa arnalǵan qaýipsiz alań ashylǵanyn aıta ketelik.

Sonymen qatar klınıkalyq «Alataý» balalar shıpa­jaıyna ókpe kólemin keńeıtýge arnal­ǵan Spiro Tiger tynys alýdy jattyqtyrǵysh syıǵa tartyldy.

Óz kezeginde estý qabileti nashar balalarǵa arnalǵan №1 mektep-ınternatynda tárbıelenip jatqan qulaǵy nashar estıtin balalar da robot-konstrýktorlarǵa ıe boldy

«Shevron» men «Aıala» áleýmettik az qamtylǵan otbasylardyń balala­ryna arnalǵan Almatydaǵy №17 mektep-ınternatynyń oqýshylaryna da óz septigin tıgizip jatyr.

Budan bylaı ınternattaǵy ul balalar aǵash ustasy bolyp, temirden túıin túıgen dánekerleýshi maman da bolyp shyǵatyn boldy. Mektep-ınter­natynyń balalary tek bilim alyp qana qoımaı, ómirge qajetti, ózderine qajet­ti qosalqy bir mamandyqty ıgerip shyǵýǵa múmkindik aldy. Budan syrt, qyz balalar úshin tigin sheberhanasy ashyldy.

«Shevron» kompa­nıa­sy men «Aıala» qaıy­rymdyq qorynyń sharapatyna bólengen mekemelerdiń qýany­shynda shek joq. «Aıala» qaıyrymdylyq qorynyń prezıdenti Aıdan Súleıme­nova, «Shevron» kompanıasynyń ókili Janar Qoshpanova, «Aıala» qaıyrym­dylyq qorynyń ókili Dınara Muratova sóz sóılep, áli de baılanysta bolatyn­daryn aıtsa, №17 mektep-ınternaty­nyń basshysy Serik Qalıev demeýshi­lerge degen alǵysyn bildirdi.