ەكى تاراپتىڭ اراسىنداعى ارىپتەستىك بيىل دا جالعاسىن تاۋىپ الماتىداعى پەريناتالدىق ورتالىعىنا اسا قاجەتتى قۇرىلعى ساتىپ الىندى.
«گيپوتەرميا» اپپاراتى جانە ەلەكتروەنسەفالوگراف قۇرىلعىسىنىڭ ادامنىڭ ءومىرىن ساقتاپ قالۋداعى ماڭىزى اسا زور. وسىناۋ مەديسينالىق قۇرىلعىلاردىڭ كومەگىمەن تەراپيەۆتىك گيپوتەرميانىڭ ەكى سالاسىن وتكىزۋگە بولادى ەكەن.
ايتالىق، وسى قۇرىلعىمەن ناۋقاستىڭ دەنە قىزۋىن تومەندەتۋگە بولادى. بۇدان سىرت گيپوتەرميا اپپاراتىن قولدانۋ بالالاردىڭ اۋرۋى مەن بالا ءولىمىن تومەندەتىپ، سونىڭ ىشىندە نەوناتولوگيا ساتىسىنداعى پاتولوگيالىق جاعدايلاردىڭ 48 پايىزى تىركەلەتىن گيپوكسيالىق-يشەميالىق ەنسەفالوپاتيا كورسەتكىءشىن ازايتۋعا كومەكتەسەدى.
دارىگەرلەردىڭ ايتۋىنشا، وتكىر پەريناتالدى اسفيكسيا كەزىندە كوپ جاعدايدا سابيلەردە كەزدەسەتىن گيپوكسيالىق-يشەميالىق ەنسەفالوپاتيانىڭ 20 پايىزى ولىمگە اپارۋى مۇمكىن ەكەن. ال 30 پايىزى جۇيكە-پسيحيكالىق اۋرۋعا تاپ بولۋى عاجاپ ەمەس. ەگەر دە جاڭا تۋعان بالادا گيە-نىڭ اۋىر فورماسى بولسا، ەندەشە 60 پايىزى ءولىپ كەتۋى مۇمكىن. ءتىرى قالعان جاعدايدا مۇگەدەك بولىپ قالادى.
الماتى قالاسىنداعى پەريناتالدى ورتالىق ديرەكتورى ءمادينا شارىپبايەۆانىڭ ايتۋىنا قاراعاندا، بۇگىنگى تاڭدا ورتالىقتا جىل سايىن سەگىز مىڭعا جۋىق ايەل بوسانادى. ال سابيلەردىڭ 15 پايىزى تىم ەرتە تۋىلعاندار.
“شيەۆرون” كومپانياسىنىڭ قارجىلاي كومەگىمەن ساتىپ الىنعان وسىناۋ مەديسينالىق قۇرالداردىڭ ارقاسىندا دارىگەرلەر نارەستەلەردىڭ ءومىرىن ساقتاپ قالۋعا مۇمكىندى الدى” دەيدى ول.
«شيەۆرون» كومپانياسى مەن «ايالا» قايىرىمدىق قورىنىڭ اتقارعان جۇمىستارى مۇنىمەن شەكتەلمەيدى.
كۇنى كەشە قالالىق №2 ارنايى الەۋمەتتىك قىزمەت كورسەتۋ ورتالىعىندا مۇمكىندىگى شەكتەۋلى بالالارعا ارنالعان ءقاۋىپسىز الاڭ اشىلعانىن ايتا كەتەلىك.
سونىمەن قاتار كلينيكالىق «الاتاۋ» بالالار شيپاجايىنا وكپە كولەمىن كەڭەيتۋگە ارنالعان Spءىro Tءىger تىنىس الۋدى جاتتىقتىرعىش سىيعا تارتىلدى.
ءوز كەزەگىندە ەستۋ قابىلەتى ناشار بالالارعا ارنالعان №1 مەكتەپ-ينتەرناتىندا تاربيەلەنىپ جاتقان قۇلاعى ناشار ەستيتىن بالالار دا روبوت-كونسترۋكتورلارعا يە بولدى
«شيەۆرون» مەن «ايالا» الەۋمەتتىك از قامتىلعان وتباسىلاردىڭ بالالارىنا ارنالعان الماتىداعى №17 مەكتەپ-ينتەرناتىنىڭ وقۋشىلارىنا دا ءوز سەپتىگىن تيگىزىپ جاتىر.
بۇدان بىلاي ينتەرناتتاعى ۇل بالالار اعاش ۇستاسى بولىپ، تەمىردەن ءتۇيىن تۇيگەن دانەكەرلەۋشى مامان دا بولىپ شىعاتىن بولدى. مەكتەپ-ينتەرناتىنىڭ بالالارى تەك ءبىلىم الىپ قانا قويماي، ومىرگە قاجەتتى، وزدەرىنە قاجەتءتى قوسالقى ءبىر ماماندىقتى يگەرىپ شىعۋعا مۇمكىندىك الدى. بۇدان سىرت، قىز بالالار ءۇشىن تىگىن شەبەرحاناسى اشىلدى.
«شيەۆرون» كومپانياسى مەن «ايالا» قايىرىمدىق قورىنىڭ شاراپاتىنا بولەنگەن مەكەمەلەردىڭ قۋانىشىندا شەك جوق. «ايالا» قايىرىمدىلىق قورىنىڭ پرەزيدەنتى ايدان سۇلەيمەنوۆا، «شيەۆرون» كومپانياسىنىڭ وكىلى جانار قوشپانوۆا، «ايالا» قايىرىمدىلىق قورىنىڭ وكىلى دينارا مۇراتوۆا ءسوز سويلەپ، ءالى دە بايلانىستا بولاتىندارىن ايتسا، №17 مەكتەپ-ينتەرناتىنىڭ باسشىسى سەرىك قالييەۆ دەمەۋشىلەرگە دەگەن العىسىن ءبىلدىردى.
