كەزدەسۋ بارىسىندا مۇناي-گاز سالاسىندا ىنتىماقتاستىقتى ودان ءارى دامىتۋ ماسەلەسى تالقىلاندى.
اتاپ ايتقاندا، «تەڭىزشيەۆرويل» ج ش س، قاراشىعاناق جوباسى جانە كاسپيي قۇبىر كونسورسيۋمى بويىنشا ءوزارا ءىس-قيمىل ماسەلەلەرى قارالدى.
كەزدەسۋ بارىسىندا تەڭىز كەن ورنىن كەڭەيتۋ جوباسى تالقىلاندى.
تاراپتار اتالعان جوبا قازاقستان ەكونوميكاسىنىڭ تۇراقتى دامۋىنا، سونداي-اق تشو-نىڭ بارلىق سەرىكتەستەرىنە وڭ مۋلتيپليكاتيۆتى اسەر بەرەتىنىن اتاپ ءوتتى.
Dalanews.kz انىقتاماسى:
«شيەۆرون» كومپانياسى «Pacific Oil Coast Co» اتاۋىمەن 1879 جىلى قۇرىلعان. شتاب-پاتەرى سان-رامون قالاسىندا ورنالاسقان (كاليفورنيا، اقش)، وپەراسيالارى الەمنىڭ 180 ەلىندە جۇرگىزىلەدى.
قىزمەتكەرلەر سانى شامامەن 62 مىڭ ادام.
كومپانيا كاپيتالى $232 ملرد قۇرايدى.
قازاقستاندا «شيەۆرون» «تەڭىزشيەۆرويل» جشس-نا (50%)، قاراشىعاناق جوباسىنا (18%)، كاسپيي قۇبىر كونسورسيۋمىنا (15%) قاتىسادى.
«تەڭىزشيەۆرويل» ج ش س (تشو) جوباسى تۋرالى كەلىسىمگە 1993 جىلعى 2 ساۋىردە ق ر مەن «شيەۆرون» كومپانياسى اراسىندا قول قويىلدى.
كومىرسۋتەگىن بارلاۋ جانە وندىرۋگە ارنالعان ليسەنزيا تشو-عا 1993 جىلى 40 جىل مەرزىمگە بەرىلدى.
2018 جىلعا ارنالعان مۇناي ءوندىرۋ جوسپارى 27،8 ملن توننانى قۇرايدى. قاراشىعاناق جوباسى قازاقستان رەسپۋبليكاسىنىڭ ۇكىمەتى مەن «بريتيش گاز» («شەلل») — 29،25%، «ENI» — 29،25%، «شيەۆرون» — 18%، «لۋكويل» — 13،5% جانە «قازمۇنايگاز» اق — 10% ۇلەستىك قاتىسۋىمەن، اتالعان كومپانيالار اليانسىنىڭ اراسىندا قول قويىلعان ءونىمدى ءبولۋ تۋرالى تۇپكىلىكتى كەلىسىم اياسىندا ىسكە اسىرىلادى.
كەلىسىمگە 1997 جىلدىڭ 18 قاراشاسىندا، 40 جىل مەرزىمگە قول قويىلدى. 2017 جىلى ناقتى ءوندىرۋ كولەمى 11،2 ملن توننا سۇيىق كومىرسۋتەكتەرىن (جوسپاردا — 10،7 ملن ت) جانە 18،9 ملرد م3 گازدى (جوسپاردا — 18،3 ملرد م3) قۇرادى. 2018 جىلى سۇيىق كومىرسۋتەكتەردى ءوندىرۋ جوسپارى — 10،887 ملن توننا، گاز ءوندىرۋ — 18،37 ملرد م3. جالپى ۇزىندىعى 1510 شاقىرىم بولاتىن (ونىڭ 452 شاقىرىمى — قازاقستاندىق ۇلەس) «كاسپيي قۇبىر كونسورسيۋمى» (كقك) مۇناي قۇبىرى قازاقستاندىق مۇناي كەن ورنى «تەڭىز» بەن قارا تەڭىزدەگى «وڭتۇستىك وزەرەيەۆكا» مۇناي تەرمينالىن بىرىكتىرەدى.
ول 2001 جىلى پايدالانۋعا بەرىلدى. 2017 جىلى كقك مۇناي قۇبىرىمەن 55،1 ملن توننا مۇناي تاسىمالداندى، ونىڭ ىشىندەگى قازاقستاندىق مولشەر — 49،6 ملن توننا.
فوتو: primeminister.kz
