Kezdesý barysynda munai-gaz salasynda yntymaqtastyqty odan ári damytý máselesi talqylandy.
Atap aitqanda, «Teńizshevroil» JShS, Qarashyǵanaq jobasy jáne Kaspii qubyr konsortsiýmy boiynsha ózara is-qimyl máseleleri qaraldy.
Kezdesý barysynda Teńiz ken ornyn keńeitý jobasy talqylandy.
Taraptar atalǵan joba Qazaqstan ekonomikasynyń turaqty damýyna, sondai-aq TShO-nyń barlyq seriktesterine oń mýltiplikativti áser beretinin atap ótti.
Dalanews.kz anyqtamasy:
«Shevron» kompaniiasy «Pacific Oil Coast Co» ataýymen 1879 jyly qurylǵan. Shtab-páteri San-Ramon qalasynda ornalasqan (Kaliforniia, AQSh), operatsiialary álemniń 180 elinde júrgiziledi.
Qyzmetkerler sany shamamen 62 myń adam.
Kompaniia kapitaly $232 mlrd quraidy.
Qazaqstanda «Shevron» «Teńizshevroil» JShS-na (50%), Qarashyǵanaq jobasyna (18%), Kaspii qubyr konsortsiýmyna (15%) qatysady.
«Teńizshevroil» JShS (TShO) jobasy týraly kelisimge 1993 jylǵy 2 sáýirde QR men «Shevron» kompaniiasy arasynda qol qoiyldy.
Kómirsýtegin barlaý jáne óndirýge arnalǵan litsenziia TShO-ǵa 1993 jyly 40 jyl merzimge berildi.
2018 jylǵa arnalǵan munai óndirý jospary 27,8 mln tonnany quraidy. Qarashyǵanaq jobasy Qazaqstan Respýblikasynyń Úkimeti men «British Gaz» («Shell») — 29,25%, «ENI» — 29,25%, «Shevron» — 18%, «Lýkoil» — 13,5% jáne «QazMunaiGaz» AQ — 10% úlestik qatysýymen, atalǵan kompaniialar Aliansynyń arasynda qol qoiylǵan Ónimdi bólý týraly túpkilikti kelisim aiasynda iske asyrylady.
Kelisimge 1997 jyldyń 18 qarashasynda, 40 jyl merzimge qol qoiyldy. 2017 jyly naqty óndirý kólemi 11,2 mln tonna suiyq kómirsýtekterin (josparda — 10,7 mln t) jáne 18,9 mlrd m3 gazdy (josparda — 18,3 mlrd m3) qurady. 2018 jyly suiyq kómirsýtekterdi óndirý jospary — 10,887 mln tonna, gaz óndirý — 18,37 mlrd m3. Jalpy uzyndyǵy 1510 shaqyrym bolatyn (onyń 452 shaqyrymy — qazaqstandyq úles) «Kaspii Qubyr Konsortsiýmy» (KQK) munai qubyry qazaqstandyq munai ken orny «Teńiz» ben Qara teńizdegi «Ońtústik Ozereevka» munai terminalyn biriktiredi.
Ol 2001 jyly paidalanýǵa berildi. 2017 jyly KQK munai qubyrymen 55,1 mln tonna munai tasymaldandy, onyń ishindegi qazaqstandyq mólsher — 49,6 mln tonna.
Foto: primeminister.kz
