Búgin SQO ákimi Ǵaýez Nurmuhambetovtyń reseılik «ÝA» kompanıasynyń basqarýshy dırektory Elena Fılıppova jáne «GrınDar» kompanıasynyń dırektory Evgenıı Ýsachenkomen kezdesýi ótti,– dep habarlaıdy Dalanews.kz

Júzdesý barysynda oblys aýdandarynda organıkalyq tyńaıtqyshtar óndiretin birneshe zaýyt salý jónindegi ınvestısıalyq joba talqylandy. Joba dıqandardy  sapaly tyńaıtqyshtarmen qamtamasyz etpek. 

"Memleket tarapynan sheteldik ınvestorlarǵa jobany qysqa merzimde iske asyrý úshin barlyq qajetti kómek kórsetiledi. Biz barlyq ınvestorlarǵa jobany ıdeıadan bastap jobalyq qýatqa shyqqanǵa deıingi barlyq kezeńderinde qoldaý bildiremiz", - dep atap ótti óńir basshysy.

Oblysta jyl saıyn topyraqtyń qunarlylyǵyn arttyryp, ónimdilikti kóbeıtý maqsatynda mıneraldyq tyńaıtqyshtardy engizý kólemi ósip keledi. Tek bıyl 333 myń tonna mıneraldyq tyńaıtqysh engiziledi. Osy oraıda jańa kásiporynnyń salynýy óńirdiń agroónerkásiptik kesheniniń damýyna eleýli úles qospaq.