Sheteldik internet-dúkender arqyly keletin taýarlarǵa salyq salý kózdelip otyr. Bul týraly Úkimet otyrysynda Ulttyq ekonomika ministri Serik Jumanǵarin málimdedi, dep habarlaidy Dalanews.kz.
“Elektrondyq saýda operatoryn qurýdyń basty maqsaty – sheteldik internet-dúkender arqyly keletin taýarlarǵa baqylaý ornatyp, naqty statistika júrgizý. Qazirgi tańda ondai statistika joq, sebebi bul taýarlar jeke paidalanýǵa arnalǵan dep esepteledi. Biraq biz olardyń naqty kólemin bilýimiz kerek”, – dedi ministr.
Onyń aitýynsha, jańa júie arqyly deklaratsiia tapshylyǵy máselesi de sheshiledi.
“Búginde deklaratsiialaý mindeti – deklaranttyń moinynda. Al jańa júie engizilgen soń, bul fýnktsiia elektrondyq saýda operatoryna júkteledi. Eger zań buzylsa, mysaly, jalǵan deklaratsiia toltyrylsa, jaýapkershilik osy operatorǵa artylady”, – dedi ol.
Sondai-aq Jumanǵarin deklaratsiia úshin belgilenetin tólemder týraly da aitty.
“Biz tórt-bes myń deklaratsiiaǵa esepteletin tólem kólemin josparlap otyrmyz. Bul – operatordyń qyzmetine bailanysty tólem. Basqa eshqandai tólem kózdelmegen”, – dedi ol.
Ministrdiń aitýynsha, shetelden jeke maqsatta taýar alýǵa qatysty burynǵy jeńildikter saqtalady.
“Qazir de, erteń de, eger taýardyń baǵasy 200 eýrodan, salmaǵy 31 kilogrammnan aspasa, deklaratsiia tegin jasalady. Jeke tulǵalar eshqandai aqsha tólemeidi. Biraq deklaratsiia mindetti túrde jasalýy kerek – bul esep júrgizý úshin qajet”, – dedi ministr.
Ol qosymsha qun salyǵy (QQS) mólsherine de toqtaldy.
“Buryn QQS mólsheri 12 paiyz bolsa, endi ol 16 paiyz bolady. Eger taýar 200 eýrodan assa, QQS-qa qosymsha taǵy 5 paiyz kedendik baj salyǵy alynady. Iaǵni barlyǵy 17 paiyzdy quraidy. Qazirgi ýaqytta bul kórsetkish 15 paiyz”, – dedi Jumanǵarin.
Ministrdiń aitýynsha, mundai ózgerister salyqtyq ádilettilik pen internet arqyly keletin taýarlar aǵynyn retteý úshin qajet.
