Oblys investitsiia tartý boiynsha respýblikada kósh basynda keledi. Máselen, ótken jyly 482 mlrd. teńge qarjy quiyldy. Endi taǵy 4,8 mlrd. AQSh dollaryn quraityn 26 jobany júzege asyrý josparda bar. Qazirdiń ózinde onyń 12-si iske asyrylýda. Bul týraly búgin «Kóne túrkistan – jańa múmkindikter» atty halyqaralyq investitsiialyq jəne týristik forýmda oblys ákimi Janseiit Túimebaev málimdedi.
Jiynǵa Resei, Iran, Malaiziia, Túrkiia, QHR, Chehiia, Italiia, BAÁ, Polsha syndy elderden kelgen kásipkerler qatysty. Aimaq basshysy qonaqtardy aitýly kúnmen quttyqtap, oblystyń ekonomikalyq áleýetimen tanystyrdy.
– Túrkistan – talai jyldar boiy qazaq handyǵynyń jáne túrki áleminiń saiasi ordasy, rýhani astanasy bolǵan shahar. Elbasymyz osynaý kóne qalany oblys ortalyǵy etip, ony damytýǵa erekshe yqylas tanytyp otyrǵany belgili. Búginde memleket tarapynan jalpy quny 2 mlrd. AQSh dollaryn quraityn investitsiia quiý josparlanyp otyr. Iaǵni, munda áýejai, ákimshilik - iskerlik ortalyǵy jáne turǵyn úiler boi kóterip, Túrkistan zamanaýi úlgidegi tehnologiia engizilgen aqyldy qalaǵa ainalatyny sózsiz. Qazirdiń ózinde óńirdiń ekonomikalyq damý múmkindigine qanyqqan otandyq jáne túrik kompaniialary 100 mln. AQSh dollarynan asatyn qarjy salyp, 5 juldyzdy qonaq úiler, oiyn-saýyq saýda oryndary men fitnes ortalyqtar ashýdy kózdep otyr. Búgingi jiyn ózderńizben osyndai iskerlik qarym-qatynas ornatyp, nyǵaitýǵa sep bolady degen senimdemin, – dedi Janseiit Qanseiituly.
Sonymen qatar, óńirdi damytýǵa baǵyttalǵan kez-kelgen jobany barlyq taraptan qoldaýǵa daiyn ekenin aitqan oblys ákimi, aimaqty úsh baǵytta damytýǵa basymdyq berilgenin de jetkizdi.
Forým aiasynda V2V formatyndaǵy kezdesýler ótti. Sonymen birge «Týrizm indýstriiasy — Qazaqstan ekonomikasynyń jańa draiveri», «Soltústik-Ońtústik ekonomikalyq dálizi» taqyryptarynda jáne agroónerkásip keshenin damytýdaǵy adam kapitalynyń róli jóninde pikiralmasýlar ótip jatyr.
Erekshe tarihi-arhitektýralyq jáne arheologiialyq eskertkishteri, airyqsha tabiǵaty bar óńirdiń birinshi damý baǵyty – týrizm. Qazirdiń ózinde munda munda keletin týrister sany jyl sanap artyp keledi. Máselen, ótken jyly oblysqa 270 myńnan astam saiahatshy kelgen. Bul 2016 jylmen salystyrǵanda 40 paiyzǵa artyq. Investitsiia tartýǵa qolaily ekinshi baǵyt aýyl sharýashylyǵyn salasy. Aýa raiy jaily oblystyń aýyl sharýashylyq salasy daýy jaǵynan respýblikada birinshi orynǵa shyqqan. Sondai-aq, logistikalyq jáne tranzittik áleýetti kóterý jumys kestede turǵan úshinshi másele.
Oblystyń ekonomikalyq jáne investitsiialyq áleýetine qanyqqan sheteldik qonaqtar Túrkistan óńirinde týrizm, aýyl sharýashylyǵy, kásipkerlik salalaryn damytýǵa atsalysýǵa nietti ekendikterin bildirdi. Sondai-aq, Iran, Malaiziia, Qytai elderinen kelgen investorlar aimaqta zamanaýi úlgidegi áleýmettik nysandar salyp, inraqurylym men sandyq tehnologiiany damytýǵa kúsh salatynyn da atap ótti.
Túrkistan oblysy ákiminiń baspasóz qyzmeti
