Búgin Qazaqstan Media aliansy sońǵy ýaqyttary elimizde sheteldik BAQ ókilderin tirkeýdi zańnamalyq turǵyda retteýge qatysty túrli pikir aitylyp, ony rezonanstyq taqyrypqa deiin jetkizý áreketi baiqalyp jatqanyn aityp, málimdeme jasady, – dep habarlaidy Dalanews.kz.
Qazaqstanda sheteldik BAQ ókilderin tirkeýdi zańnamalyq turǵyda retteýge qatysty túrli pikir aitylyp, ony rezonanstyq taqyrypqa deiin jetkizý baiqalýda Qazaqstan Media aliansy óz tarapynan bul jaǵdaidan qandai da bir astar izdeý orynsyz dep sanaidy.
Sheteldik BAQ-tyń qyzmeti jaily talaptyń zańnama turǵysynan qaralyp otyrǵany álemdik tájiribe. Kez kelgen eldiń aqparattyq qaýipsizdigi jolyndaǵy jasaityn protsedýrasy.
Qazirgi ýaqytta elimizde álemniń 15 elinen sheteldik 39 BAQ akkreditteýden ótip, olardyń 160 jýrnalisi elimizde qyzmet etip otyr. Bul degenimiz – Qazaqstanda sheteldik BAQ-tyń jumys isteýine qandai da bir shekteý joqtyǵynyń birden-bir kórinisi.
Aita keteiik, Qazaqstanda sheteldik BAQ-ty tirkeýde aldyn ala habarlaý mehanizmi ǵana qoldanylyp keledi. Kóp jaǵdaida sheteldik jýrnalister tarapynan Qazaqstan zańnamasyn buzý jaǵdailary jii kezdesip turatynyn da aita ketken jón.
Al álemdik tájiribege qarar bolsaq, eger sheteldik BAQ ókilderi jergilikti zańnamany buzǵan jaǵdaida tipti akreditatsiiany qaitaryp alý mehanizmi bar. Máselen, AQSh pen Túrkiiada akkreditatsiiany qaitaryp alýmen qatar, sol elde jýrnalistik qyzmetti jalǵastyrýǵa tyiym bar. Ár el óziniń zańnamasynda sheteldik BAQ ókilderiniń qyzmetin retteý normalaryn áldeqaida qarastyrǵan.
Jalpy sheteldik BAQ ókilderiniń ózge elde qyzmetin júrgizý úshin tirkeýge alý keń taralǵan álemdik tájiribe. Basqasyn aitpaǵanda, álemniń ozyq elderi AQSh, Germaniia, Ulybritaniia, Singapýr, Malaziia syndy elderde de osy tájiribe zań júzinde bekitilip, qoldanylyp keledi, al sheteldik BAQ ókilderine ár eldiń qoiar talaby qatań.
Al endi Qazaqstanda tirkeýge alynbaǵan sheteldik BAQ ókilderiniń jumysyn zań júzinde retteý osy álemdik tájiribege sai jasalyp otyrǵan qalypty jaǵdai. Qazaqstan Media Aliansy tirkeýge alynbaǵan sheteldik BAQ ókilderiniń qyzmetin zańnamada retteýden qandaida bir teris áreket ne shekteý kórý álemdik tájiribeden habarsyzdyq dep oilaimyz.
