بۇگىن قازاقستان مەديا اليانسى سوڭعى ۋاقىتتارى ەلىمىزدە شەتەلدىك ب ا ق وكىلدەرىن تىركەۋدى زاڭنامالىق تۇرعىدا رەتتەۋگە قاتىستى ءتۇرلى پىكىر ايتىلىپ، ونى رەزونانستىق تاقىرىپقا دەيىن جەتكىزۋ ارەكەتى بايقالىپ جاتقانىن ايتىپ، مالىمدەمە جاسادى، – دەپ حابارلايدى Dalanews.kz.
قازاقستاندا شەتەلدىك ب ا ق وكىلدەرىن تىركەۋدى زاڭنامالىق تۇرعىدا رەتتەۋگە قاتىستى ءتۇرلى پىكىر ايتىلىپ، ونى رەزونانستىق تاقىرىپقا دەيىن جەتكىزۋ بايقالۋدا قازاقستان مەديا اليانسى ءوز تاراپىنان بۇل جاعدايدان قانداي دا ءبىر استار ىزدەۋ ورىنسىز دەپ سانايدى.
شەتەلدىك باق-تىڭ قىزمەتى جايلى تالاپتىڭ زاڭناما تۇرعىسىنان قارالىپ وتىرعانى الەمدىك تاجىريبە. كەز كەلگەن ەلدىڭ اقپاراتتىق قاۋىپسىزدىگى جولىنداعى جاسايتىن پروسەدۋراسى.
قازىرگى ۋاقىتتا ەلىمىزدە الەمنىڭ 15 ەلىنەن شەتەلدىك 39 ب ا ق اككرەديتتەۋدەن ءوتىپ، ولاردىڭ 160 ءجۋرناليسى ەلىمىزدە قىزمەت ەتىپ وتىر. بۇل دەگەنىمىز – قازاقستاندا شەتەلدىك باق-تىڭ جۇمىس ىستەۋىنە قانداي دا ءبىر شەكتەۋ جوقتىعىنىڭ بىردەن-بىر كورىنىسى.
ايتا كەتەيىك، قازاقستاندا شەتەلدىك باق-تى تىركەۋدە الدىن الا حابارلاۋ مەحانيزمى عانا قولدانىلىپ كەلەدى. كوپ جاعدايدا شەتەلدىك جۋرناليستەر تاراپىنان قازاقستان زاڭناماسىن بۇزۋ جاعدايلارى ءجيى كەزدەسىپ تۇراتىنىن دا ايتا كەتكەن ءجون.
ال الەمدىك تاجىريبەگە قارار بولساق، ەگەر شەتەلدىك ب ا ق وكىلدەرى جەرگىلىكتى زاڭنامانى بۇزعان جاعدايدا ءتىپتى اكرەديتاسيانى قايتارىپ الۋ مەحانيزمى بار. ماسەلەن، اقش پەن تۇركيادا اككرەديتاسيانى قايتارىپ الۋمەن قاتار، سول ەلدە جۋرناليستىك قىزمەتتى جالعاستىرۋعا تىيىم بار. ءار ەل ءوزىنىڭ زاڭناماسىندا شەتەلدىك ب ا ق وكىلدەرىنىڭ قىزمەتىن رەتتەۋ نورمالارىن الدەقايدا قاراستىرعان.
جالپى شەتەلدىك ب ا ق وكىلدەرىنىڭ وزگە ەلدە قىزمەتىن جۇرگىزۋ ءۇشىن تىركەۋگە الۋ كەڭ تارالعان الەمدىك تاجىريبە. باسقاسىن ايتپاعاندا، الەمنىڭ وزىق ەلدەرى اقش، گەرمانيا، ۇلىبريتانيا، سينگاپۋر، مالازيا سىندى ەلدەردە دە وسى تاجىريبە زاڭ جۇزىندە بەكىتىلىپ، قولدانىلىپ كەلەدى، ال شەتەلدىك ب ا ق وكىلدەرىنە ءار ەلدىڭ قويار تالابى قاتاڭ.
ال ەندى قازاقستاندا تىركەۋگە الىنباعان شەتەلدىك ب ا ق وكىلدەرىنىڭ جۇمىسىن زاڭ جۇزىندە رەتتەۋ وسى الەمدىك تاجىريبەگە ساي جاسالىپ وتىرعان قالىپتى جاعداي. قازاقستان مەديا اليانسى تىركەۋگە الىنباعان شەتەلدىك ب ا ق وكىلدەرىنىڭ قىزمەتىن زاڭنامادا رەتتەۋدەن قاندايدا ءبىر تەرىس ارەكەت نە شەكتەۋ كورۋ الەمدىك تاجىريبەدەن حابارسىزدىق دەپ ويلايمىز.
