Antıkor kásipkerlikti qorǵaý jumysy aıasynda alaıaqtyq jasap, para berýge ıtermeledi degen kúdikpen Taraz qalasynyń turǵynyn ustady, – dep habarlaıdy Dalanews.kz.

Ol sheteldik kompanıa ókiline memlekettik mekememen aradaǵy máselesin sheship, qajetti joǵary laýazymdy tulǵamen kezdestirmekshi bolǵan.

Kúdikti bul úshin bul qyzmeti úshin 200 myń dollar alǵany málim boldy.

Ol munymen shektelmeı kezdesý sátti ótken jaǵdaıda kelisim-shartqa qol qoıylǵannan keıin ózine belgelengen somanyń 3 paıyzy kóleminde qolma-qol aqsha berý týrasynda talap qoıypty. Qazir is tergelýde. Jemqorlyq iske jeńgetaılyq jasaǵan azamattyń aýzy kúıdi.  

Sonymen qatar, Antıkor Almaty turǵynynyń alaıaqtyq jasady degen kúdikpen ustalǵanyn habarlady.

Kúdikti Qorǵanys mınıstrliginiń vedimistik baǵynysty uıymyna jumysqa ornalasý máselesin sheship berý úshin 100 000 AQSH dollaryn talap etken.

Aqshany alǵannan keıin bul kúdiktiler ustalyp, sot sanksıasymen qamaýǵa alyndy. Tergeý múddesindegi basqa aqparat jarıa etilmeıdi.