15 táýlikke qamaýǵa alynǵan marqum Sherzat Bolattyń ákesi Qarjaýbaı Nurymov bostandyqqa shyqty, dep habarlaıdy Dalanews.kz.
Bul aqparatty Sherzattyń otbasynyń qorǵaýshylary málimdedi.
“Qurmetti dostar! Qarjaýbaı bostandyqqa shyqty. Ony komandamyzdaǵy advokat Asylbek Ábdiraımov alyp ketti. Qarjaýbaıdyń jaǵdaıy jaqsy, otbasymen qaýyshty. Qosymsha aqparattardy jaqyn arada habarlaımyz”, — dedi olar.
Aıta keteıik, buǵan deıin Sherzat Bolattyń jaqyndary qamaýǵa alynyp, jazaǵa tartylǵan bolatyn.
Eńbekshiqazaq aýdandyq soty ákimshilik is júrgizý tártibimen isterdi qaraý nátıjeleri boıynsha azamat Saltanat Nurymova usaq buzaqylyq jasaǵany úshin (ÁQBtK 434-babynyń 1-bóligi) 20 AEK mólsherinde aıyppul salýmen ákimshilik jaýapkershilikke tartyldy.
QR beıbit jınalystardy uıymdastyrý jáne ótkizý tártibi týraly zańnamasyn buzǵany úshin (ÁQBtK 488- babynyń 8-bólimi.) azamattyǵy joq Baqyt Reımova ákimshilik tártippen 15 táýlikke qamaýǵa alynyp, keıinnen QR sheginen deportasıalaý týraly sheshim shyqty.
“Qoǵamdyq orynda balaǵat sózder aıtqany, quqyq qorǵaý organdarynyń qyzmetkerlerin qorlap, sondaı-aq qoǵamdyq tártip pen azamattardyń tynyshtyǵyn buzatyn aınalasyndaǵylarǵa qurmetsizdik tanytatyn is-áreketter jasaǵany jáne kólik quraldarynyń qozǵalysy úshin kedergiler jasaǵany úshin Qarjaýbaı Nurymov 15 táýlikke ákimshilik qamaýǵa alyndy”, — delingen habarlamada.
Sodan soń quqyq qorǵaýshy Aıtbek Amangeldi marqum Sherzattyń otbasyn qorǵap, ádildikke qol jetkizý úshin qatarlary taǵy eki zańgermen tolyqqanyn jetkizdi.
“Qurmetti dostar, jaqsy jańalyǵymyzdy aıta keteıik! Qylmystyq isterdiń sanyn eskere otyryp, búginnen bastap Bolattar otbasyn qorǵaý tobyna Almaty qalalyq advokattar alqasynyń eki tájirıbeli zańgeri – Abdraımov Asylbek Ǵabıdenuly men Adaev Erlan Amantaıuly qosylady”, — dep málimdedi ol.
Onyń aıtýynsha, aldaǵy ýaqytta zańgerler birlesip jumys atqarady.
“Saıda, Karına jáne Maral óz baǵyttary boıynsha jumysyn jalǵastyra beredi. Alaıda istiń aýqymy úlken bolǵandyqtan, Asylbek pen Erlan komandany kúsheıtip, qyzdarmen birge ádildikke qol jetkizý úshin jumys isteıtin bolady”, — dep qosty ol.
Eske salaıyq, buǵan deıin Talǵarda jappaı tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý faktisi boıynsha Almaty oblysynyń polısıa departamenti qylmystyq is qozǵady.
Qazirgi tańda kináli dep tanylǵan 11 adam ustalyp, ýaqytsha ustaý ızolátoryna qamaýǵa alyndy.
Kóp uzamaı, ıaǵnı 9 jeltoqsanda marqum Sherzat Bolattyń aǵasy Nurqanat Ǵaıypbaev ajal qushty. Polısıa departamentiniń aldyn ala derekteri boıynsha onyń sýısıd jasaǵanyn málimdedi. Oǵan dálel retinde polıseıler Nurqanattyń týysyna messendjer arqyly jazǵan hatyn jarıa etti.
Habarlamada ol týysqandarymen qoshtasyp, jıeniniń janyna jerleýdi suraǵan. Bul fakti boıynsha qylmystyq is qozǵaldy.
Al 10 jeltoqsanda onyń ólimine qatysty saraptama qorytyndysy shyqty.
"Sot-medısınalyq saraptamanyń aldyn ala boljamy boı̆ynsha, 9 jeltoqsanda Talǵardyń shetinde tabylǵan 30 jastaǵy er adamnyń máı̆iti ózin-ózi asý arqyly mehanıkalyq asfıksıa nátıjesinde bolǵanyn kórsetti. Denesinde zorlyq-zombylyq sıpattaǵy belgiler joq.
Sarapshylarmen anyqtalǵan dene jaraqattary, mysaly, strangýlásıalyq jáne moı̆ynnyń abrazıalary asylǵan jipti qoldanǵan kezinde paı̆da bolatyn jaraqattarǵa sáı̆kes keletinin kórsetti. Barlyq belgiler sýısıdti kórsetedi, moı̆ynyndaǵy zaqymdaný sıpaty mundaı̆ jaǵdaı̆larǵa tán", - delingen habarlamada.
Al marqum Sherzattyń ákesi baýyry Nurqanat Ǵaıypbaevty jer qoınyna tapsyrǵanan keıin, buqaralyq aqparat quraldarymen kezdesýdi talap etip, kóshege shyqty. Alaıda araǵa uzaq ýaqyt salmaı Qarjaýbaı Nurymovty polısıa qyzmetkerleri ustap áketti.
"Qarjaýbaı Nurymov prokýrordyń zańdy saqtaý týraly túsindirmelerin elemedi. Shekten tys agressıvti minez-qulyq tanytyp, basqalardy óz-ózine qol jumsaımyn dep qorqytty. Sonymen qatar polısıa qyzmetkerine pyshaqpen shabýyl jasady. Onyń minez-qulqy ózine de, basqalarǵa da qaýip tóndirdi", — delingen habarlamada.
Osylaısha Sherzat Bolattyń ákesi men ápkesi qamaýǵa alyndy.
