15 تاۋلىككە قاماۋعا الىنعان مارقۇم شەرزات بولاتتىڭ اكەسى قارجاۋباي نۇرىموۆ بوستاندىققا شىقتى، دەپ حابارلايدى Dalanews.kz.
بۇل اقپاراتتى شەرزاتتىڭ وتباسىنىڭ قورعاۋشىلارى مالىمدەدى.
“قۇرمەتتى دوستار! قارجاۋباي بوستاندىققا شىقتى. ونى كوماندامىزداعى ادۆوكات اسىلبەك ءابدىرايموۆ الىپ كەتتى. قارجاۋبايدىڭ جاعدايى جاقسى، وتباسىمەن قاۋىشتى. قوسىمشا اقپاراتتاردى جاقىن ارادا حابارلايمىز”، — دەدى ولار.
ايتا كەتەيىك، بۇعان دەيىن شەرزات بولاتتىڭ جاقىندارى قاماۋعا الىنىپ، جازاعا تارتىلعان بولاتىن.
ەڭبەكشىقازاق اۋداندىق سوتى اكىمشىلىك ءىس جۇرگىزۋ تارتىبىمەن ىستەردى قاراۋ ناتيجەلەرى بويىنشا ازامات سالتانات نۇرىموۆا ۇساق بۇزاقىلىق جاساعانى ءۇشىن (اقبتك 434-بابىنىڭ 1-بولىگى) 20 اەك مولشەرىندە ايىپپۇل سالۋمەن اكىمشىلىك جاۋاپكەرشىلىككە تارتىلدى.
ق ر بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭناماسىن بۇزعانى ءۇشىن (اقبتك 488- بابىنىڭ 8ء-بولىمى.) ازاماتتىعى جوق باقىت رەيموۆا اكىمشىلىك تارتىپپەن 15 تاۋلىككە قاماۋعا الىنىپ، كەيىننەن ق ر شەگىنەن دەپورتاسيالاۋ تۋرالى شەشىم شىقتى.
“قوعامدىق ورىندا بالاعات سوزدەر ايتقانى، قۇقىق قورعاۋ ورگاندارىنىڭ قىزمەتكەرلەرىن قورلاپ، سونداي-اق قوعامدىق ءتارتىپ پەن ازاماتتاردىڭ تىنىشتىعىن بۇزاتىن اينالاسىنداعىلارعا قۇرمەتسىزدىك تانىتاتىن ىس-ارەكەتتەر جاساعانى جانە كولىك قۇرالدارىنىڭ قوزعالىسى ءۇشىن كەدەرگىلەر جاساعانى ءۇشىن قارجاۋباي نۇرىموۆ 15 تاۋلىككە اكىمشىلىك قاماۋعا الىندى”، — دەلىنگەن حابارلامادا.
سودان سوڭ قۇقىق قورعاۋشى ايتبەك امانگەلدى مارقۇم شەرزاتتىڭ وتباسىن قورعاپ، ادىلدىككە قول جەتكىزۋ ءۇشىن قاتارلارى تاعى ەكى زاڭگەرمەن تولىققانىن جەتكىزدى.
“قۇرمەتتى دوستار، جاقسى جاڭالىعىمىزدى ايتا كەتەيىك! قىلمىستىق ىستەردىڭ سانىن ەسكەرە وتىرىپ، بۇگىننەن باستاپ بولاتتار وتباسىن قورعاۋ توبىنا الماتى قالالىق ادۆوكاتتار القاسىنىڭ ەكى تاجىريبەلى زاڭگەرى – ابدرايموۆ اسىلبەك عابيدەن ۇلى مەن ادايەۆ ەرلان امانتاي ۇلى قوسىلادى”، — دەپ مالىمدەدى ول.
ونىڭ ايتۋىنشا، الداعى ۋاقىتتا زاڭگەرلەر بىرلەسىپ جۇمىس اتقارادى.
“سايدا، كارينا جانە مارال ءوز باعىتتارى بويىنشا جۇمىسىن جالعاستىرا بەرەدى. الايدا ءىستىڭ اۋقىمى ۇلكەن بولعاندىقتان، اسىلبەك پەن ەرلان كوماندانى كۇشەيتىپ، قىزدارمەن بىرگە ادىلدىككە قول جەتكىزۋ ءۇشىن جۇمىس ىستەيتىن بولادى”، — دەپ قوستى ول.
ەسكە سالايىق، بۇعان دەيىن تالعاردا جاپپاي توبەلەس بولىپ، سالدارىنان 16 جاستاعى ءجاسوسپىرىم شەرزات بولات كوز جۇمدى.
كامەلەتكە تولماعان بالانى ءولتىرۋ فاكتىسى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى.
قازىرگى تاڭدا كىنالى دەپ تانىلعان 11 ادام ۇستالىپ، ۋاقىتشا ۇستاۋ يزولياتورىنا قاماۋعا الىندى.
كوپ ۇزاماي، ياعني 9 جەلتوقساندا مارقۇم شەرزات بولاتتىڭ اعاسى نۇرقانات عايىپبايەۆ اجال قۇشتى. پوليسيا دەپارتامەنتىنىڭ الدىن الا دەرەكتەرى بويىنشا ونىڭ سۋيسيد جاساعانىن مالىمدەدى. وعان دالەل رەتىندە پوليسەيلەر نۇرقاناتتىڭ تۋىسىنا مەسسەندجەر ارقىلى جازعان حاتىن جاريا ەتتى.
حابارلامادا ول تۋىسقاندارىمەن قوشتاسىپ، جيەنىنىڭ جانىنا جەرلەۋدى سۇراعان. بۇل فاكتى بويىنشا قىلمىستىق ءىس قوزعالدى.
ال 10 جەلتوقساندا ونىڭ ولىمىنە قاتىستى ساراپتاما قورىتىندىسى شىقتى.
"سوت-مەديسينالىق ساراپتامانىڭ الدىن الا بولجامى بوي̆ىنشا، 9 جەلتوقساندا تالعاردىڭ شەتىندە تابىلعان 30 جاستاعى ەر ادامنىڭ ءماي̆ءىتى ءوزىن-وزى اسۋ ارقىلى مەحانيكالىق اسفيكسيا ناتيجەسىندە بولعانىن كورسەتتى. دەنەسىندە زورلىق-زومبىلىق سيپاتتاعى بەلگىلەر جوق.
ساراپشىلارمەن انىقتالعان دەنە جاراقاتتارى، مىسالى، سترانگۋلياسيالىق جانە موي̆ىننىڭ ابرازيالارى اسىلعان ءجىپتى قولدانعان كەزىندە پاي̆دا بولاتىن جاراقاتتارعا ءساي̆كەس كەلەتىنىن كورسەتتى. بارلىق بەلگىلەر ءسۋيسيدتى كورسەتەدى، موي̆ىنىنداعى زاقىمدانۋ سيپاتى مۇنداي̆ جاعداي̆لارعا ءتان"، - دەلىنگەن حابارلامادا.
ال مارقۇم شەرزاتتىڭ اكەسى باۋىرى نۇرقانات عايىپبايەۆتى جەر قوينىنا تاپسىرعانان كەيىن، بۇقارالىق اقپارات قۇرالدارىمەن كەزدەسۋدى تالاپ ەتىپ، كوشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليسيا قىزمەتكەرلەرى ۇستاپ اكەتتى.
"قارجاۋباي نۇرىموۆ پروكۋروردىڭ زاڭدى ساقتاۋ تۋرالى تۇسىندىرمەلەرىن ەلەمەدى. شەكتەن تىس اگرەسسيۆتى مىنەز-قۇلىق تانىتىپ، باسقالاردى وز-وزىنە قول جۇمسايمىن دەپ قورقىتتى. سونىمەن قاتار پوليسيا قىزمەتكەرىنە پىشاقپەن شابۋىل جاسادى. ونىڭ مىنەز-قۇلقى وزىنە دە، باسقالارعا دا ءقاۋىپ ءتوندىردى"، — دەلىنگەن حابارلامادا.
وسىلايشا شەرزات بولاتتىڭ اكەسى مەن اپكەسى قاماۋعا الىندى.
