Ishki ister ministrligi Talǵarda Sherzat Bolattyń isi boiynsha aiyptalyp otyrǵan kúdiktilerdiń videosynan keiin tekserý júrgizdi. Olar ýaqytsha ustaý izoliatorynda týǵan kún toilap, jurttyń ashýyn týǵyzǵan edi. Tekserý nátijesinde birneshe qyzmetker jumysynan bosatyldy, dep habarlaidy Dalanews.kz.
Resmi derekke súiensek, beinejazbany burynǵy izoliator qyzmetkeri jeke telefonyna túsirgen kórinedi. Ol qyzmettik tártipti óreskel buzǵany úshin jumysynan bosatylyp, arnaiy ataǵynan aiyryldy. Sonymen qatar bul oqiǵaǵa bailanysty qylmystyq is qozǵaldy.
Ministrliktiń málimetinshe, 16 qyzmetker tártiptik jaýapkershilikke tartylyp, qyzmetinen qýyldy. Olardyń qatarynda izoliator bastyǵy da bar.
Osy oqiǵadan keiin izoliatordaǵy qaýipsizdik talaptary kúsheitilip, qosymsha beinemonitoring engizildi. Elimizdegi basqa da ýaqytsha ustaý izoliatorlarynda jospardan tys tekserýler bastaldy.
Aita keteiik, Sherzattyń ólimine qatysy bar degen kúdiktilerdiń izoliatorda týǵan kún toilaǵan videosy áleýmettik jelilerde tarap ketken edi.
Bul jaǵdai qoǵamda taǵy da rezonans týǵyzdy. Artynsha Almaty oblysynyń Politsiia departamenti mán-jaidy túsindirdi.
"Ýaqytsha ustaý izoliatorynan bir tutqynnyń týǵan kúnin atap ótýi beinelengen videonyń taralý faktisi boiynsha jan-jaqty tekserý júrgizilýde. Barlyq kináli tulǵalar, sonyń ishinde basshylyq ta, qatań jaýapkershilikke tartylady. Tergeý barysy erekshe baqylaýǵa alyndy. Osy quqyq buzýshylyqqa yqpal etken sebepter men jaǵdailardy joiý boiynsha sharalar qabyldandy", — dep málimdedi politsiia.
Keiin Sherzat Bolattyń isi boiynsha kúdiktilerden uialy telefon, Alisa qurylǵysy tárkilengen. Bul týraly jábirlenýshi taraptyń advokaty málimdedi.
Advokattar quqyq qorǵaý organdaryna suraý jibergen. Jelide taraǵan oqiǵa Eńbekshiqazaq aýdanyndaǵy ýaqytsha ustaý izoliatorynda bolǵan.
Advokat Erlan Adaevtyń sózinshe, bul jaǵdai boiynsha quzyrly organdardan tolyq aqparat suratqan.
"Eńbekshi qazaq aýdanyndaǵy laýazymdy tulǵalarǵa qatysty qyzmettik tekseris aiaqtaldy. Qorytyndy Almaty oblysysyń politsiia departamentine jiberildi. Iske qatysty laýazymdy tulǵalardyń bári de anyqtaldy. Olar tártiptik komissiia sheshimimen jazaǵa tartylady. Tergeý izoliatorynda qoldanylǵan zańsyz zattardyń bári – mobildi telefon, Iandeks-kolonka tárkilenip, qyzmettik tergeý matertaldaryna tirkeldi. Beinebaqylaý kameralarynyń jazbalary zertteldi", – degen ol.
Eske salaiyq, 2024 jyly 4 qazanda Talǵarda 16 jastaǵy jasóspirim Sherzat Bolat qaza tapty. Araǵa biraz ýaqyt salyp Sherzattyń aǵvsy Nurqanat Ǵaiypbaev ta óli tabyldy.
